‘Ons benodig die olie’

Kritiese media glo in buitelandse drukgroepe se sak

13 October 2021 | Omgewing
Frank Steffen – “Geen grond is gegryp nie,” sê Namibië se petroleumkommissaris, me. Maggy Shino, oor beweringe deur sommige inwoners van die Kavango dat hulle geen toestemming vir die huidige olie-eksplorasie hier gegee het nie.

“Daar was geen rede om dit te doen nie, want die boorgat is so groot soos hierdie tafel,” was die kommissaris se argument toe die Nasionale Vergadering se staande komitee oor natuurlike hulpbronne gister opnuut die ministerie van myne en energie oor ReconAfrica se oliesoektog uitgevra het.

Volgens Shino is aantygings soos dié van grondgrypery fopnuus en die gevolg van die vooroordeel van dele van die plaaslike media.

Sulke koerante is volgens haar lakeie van internasionale drukgroepe. “Afrika se ontwikkelingsagenda kan nie vergelyk word met dié van ontwikkelde lande nie,” het Shino gesê. “Ons benodig die olie.”

Die komitee se voorsitter, oudminister Tjekero Tweya, het gesê die media en publiek is welkom by hierdie openbare vergaderings, maar mag volgens die reëls vir sulke sittings nie vrae stel nie.

“As lede van die komitee sal ons die vrae vra wat ons dink belangrik is,” het Tweya verduidelik.

Shino het herhaaldelik benadruk dat hidrobreking nie bespreek hoef te word nie aangesien dit nie enigsins vermeld word in die voorwaardes waaronder ‘n eksplorasielisensie aan ReconAfrica toegestaan is nie.

Stellings deur die ministerie van myne en energie is nie weerspreek of uitgedaag nie.

Lede van die komitee het nie ‘n enkele vraag oor die moontlike impak op bewaring of die volhoubare ontginning van natuurlike hulpbronne gestel nie. Ook nie oor klimaatsvraagstukke of toerisme nie.

Die hoofsaak vir die komitee en sy lede is dat Namibië se inwoners regmatig finansieel uit die verwerking van bronne moet baat.

Die ministerie is byvoorbeeld gekritiseer oor die duur prys van prospektering en ontginning. Daar is aangevoer dat Namibiërs nie betrokke kan raak by mynbou nie weens jaarlikse fooie wat wissel van N$50 000 tot N$300 000.

“Julle sluit Namibiërs effektief uit hierdie sektor,” is opgemerk.

Tydens ‘n hete debat is die ministerie versoek om sy benadering hieroor te heroorweeg.

Die komitee was wel krities oor werkskepping vir die plaaslike bevolking.

“Ons hoor die heeltyd van ReconAfrica se onderneming om 250 mense aan te stel, maar tydens ons besoek is ons blameer dat plaaslike mense nie oorweeg word nie,” het Tweya gesê.

“ReconAfrica voer aan daar is nie gekwalifiseerde mense nie, maar dit kan nie en mag nie toegelaat word om altyd die verskoning te wees nie,” het die oudminister aangevoer.

Volgens die komitee moes die ministerie ‘n meer aktiewe rol gespeel het in die inligting van die gemeenskap eerder as om ReconAfrica klaarblyklik ‘n vrye hand in die taak te gee. Dit is volgens die komitee moontlik hoekom sekere gemeenskapsleiers in die duister verkeer.

Soortgelyk

 

Uitstel van eksamens: Integriteit van eksamen, kwalifikasie moet beskerm...

5 ure gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

11 ure gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

1 dag gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

1 dag gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

1 dag gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

1 dag gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

1 dag gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

1 dag gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

1 dag gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...