Onnatuurlike sterftes, moorde vier hoogty
Die afgelope week is weer deur hoë misdaadsyfers gekenmerk.
Francoise Steynberg
Me. Awene Anna (41) is Sondag by die Okaku-nedersetting deur verbygangers gevind waar sy in 'n heining vasgesit het nadat sy op 'n skerp paal geval en haar regterbeen erg beseer het.
Toe die verbygangers haar uit die heining bevry en bloeiend op die grond neersit, het sy beswyk. 'n Nadoodse ondersoek sal die oorsaak van haar dood bepaal.
Die liggaam van 'n 58-jarige Namibiese man is Maandag om 10:00 in sy tent in die New Cowboy-lokasie op Katima Mulilo gevind. Hy is oorspronklik van Opuwo, maar het op Katima Mulilo vir 'n konstruksiemaatskappy gewerk. Dit word vermoed dat hy weens vergassing gesterf het. Op die gasstoof in sy tent was die kos gebrand en die gasbottel was leeg.
Nóg 'n onnatuurlike sterfte was by Otjimbingwe toe die liggaam van mnr. Thomas Haimbodi (29) Saterdag onder 'n boom sowat 400 m vanaf die Otjimbingwe-polisiekantoor gevind is.
Dit word beweer dat die oorledene ('n beeswagter) en sy medewerker saam te perd van die Wellempost-hervestigingsplaas sowat 10 km vanaf Otjimbingwe op die Wilhelmstal-Otjimbingwe-pad gereis het.
Daar is gesien dat hulle saam by verskeie kroeë op Otjimbingwe gedrink het en dit word beweer dat die oorledene onder die invloed van alkohol was. Sy perd is langs sy liggaam gevind en dit word vermoed dat die perd hom verskeie kere geskop het.
BABA STERF ALLEEN
'n Twee maande oue babaseun, Puleninawa Elia, is verlede Dinsdag in die Ombili-lokasie op Otjiwarongo dood gevind. Dit word beweer dat hy die hele nag deur sy ma sonder sorg gelaat is.
Op Usakos is die ontbinde lyk van 'n 83-jarige man verlede Woensdag op sy bed in sy huis gevind. Hy het alleen in sy huis gebly en volgens sy bure het hulle hom vir 'n week lank nie gesien nie. 'n Onnatuurlike reuk het van sy huis gekom en die bure het die polisie ingelig, wat die venster gebreek het om in te gaan. Die huis was gesluit en die sleutels is op 'n tafel binne die huis gevind.
Sy familie is nog nie van sy dood ingelig nie en sy seun bly glo in Suid-Afrika.
Ook in die Erongostreek, het 'n fratsongeluk verlede Woensdag die lewe van 'n 48-jarige vrou op Walvisbaai geëis toe 'n hek op haar geval het. 'n Bestuurder van 'n vragmotor met 'n sleepwa van Mariental het glo omstreeks 07:00 uit die perseel van Charlie's Meat Market gery nadat hy vleis afgelaai het.
Dit word beweer dat die agterkant van die vragmotor die hek getref en dit op twee vroue geval het. Hulle het gewag dat die slaghuis oopmaak om kapana te koop.
Me. Ndahambelela Nghipande (48) is op die toneel oorlede en die ander vrou (39) is beseer en in 'n hospitaal opgeneem.
MOORDE
Op Otavi het 'n man glo Sondag omstreeks 15:30 sy meisie met 'n mes gesteek. Die slagoffer, me. Rencia Hoakhaos (28) van Blikkiesdorp is na 'n hospitaal op Otavi gehaas, maar het om 20:06 aan haar beserings beswyk. Die verdagte het op die vlug geslaan en die polisie versoek enigiemand met inligting om die Otavi-polisiekantoor te kontak.
Me. Naalokoshe Joseph (20 ) van die Omhumbu-nedersetting naby Etayi in die Omusatistreek is Saterdag omstreeks 22:40 glo ook deur haar kêrel met 'n onbekende voorwerp in haar regterbors gesteek.
Die oorledene is swanger en die kêrel (20) wou glo hê dat sy 'n aborsie moet ondergaan.
Die verdagte is in hegtenis geneem.
In die Nomtsoub-nedersetting op Tsumeb het twee mans Maandag by die Stepps Inn-kroeg gedrink en hulle het begin baklei. Mnr. Paul Us Nghilifavali Kamati (23) is omstreeks 01:15 met 'n skerp voorwerp in die linkerkant van sy bors gesteek en hy is op die toneel dood. Die 27-jarige verdagte is in hegtenis geneem.
Nóg 'n kroeggeveg het in 'n moord ontaard: Op Keetmanshoop by die Blackwell-sjebien in Tseiblaagte het twee mans Saterdag ook saamgedrink en die een het die ander een met 'n mes gesteek. Mnr. Ricardo Thomas (24) is op die toneel dood en 'n 25-jarige verdagte is in hegtenis geneem.
In die hoofstad het mnr. Frederick Kondjeni (28) verlede Vrydag by die Etambi-kroeg in Onyarayongongwestraat in Ombili saam met sy vriende gedobbel en gedrink. 'n Argument het ontstaan en Kondjeni het buite toe gegaan.
Hy is later deur sy vriende met 'n steekwond in sy regterbors gevind. Hy het aan sy beserings in die Katutura-staatshospitaal beswyk. Die 44-jarige verdagte is in hegtenis geneem.
Me. Awene Anna (41) is Sondag by die Okaku-nedersetting deur verbygangers gevind waar sy in 'n heining vasgesit het nadat sy op 'n skerp paal geval en haar regterbeen erg beseer het.
Toe die verbygangers haar uit die heining bevry en bloeiend op die grond neersit, het sy beswyk. 'n Nadoodse ondersoek sal die oorsaak van haar dood bepaal.
Die liggaam van 'n 58-jarige Namibiese man is Maandag om 10:00 in sy tent in die New Cowboy-lokasie op Katima Mulilo gevind. Hy is oorspronklik van Opuwo, maar het op Katima Mulilo vir 'n konstruksiemaatskappy gewerk. Dit word vermoed dat hy weens vergassing gesterf het. Op die gasstoof in sy tent was die kos gebrand en die gasbottel was leeg.
Nóg 'n onnatuurlike sterfte was by Otjimbingwe toe die liggaam van mnr. Thomas Haimbodi (29) Saterdag onder 'n boom sowat 400 m vanaf die Otjimbingwe-polisiekantoor gevind is.
Dit word beweer dat die oorledene ('n beeswagter) en sy medewerker saam te perd van die Wellempost-hervestigingsplaas sowat 10 km vanaf Otjimbingwe op die Wilhelmstal-Otjimbingwe-pad gereis het.
Daar is gesien dat hulle saam by verskeie kroeë op Otjimbingwe gedrink het en dit word beweer dat die oorledene onder die invloed van alkohol was. Sy perd is langs sy liggaam gevind en dit word vermoed dat die perd hom verskeie kere geskop het.
BABA STERF ALLEEN
'n Twee maande oue babaseun, Puleninawa Elia, is verlede Dinsdag in die Ombili-lokasie op Otjiwarongo dood gevind. Dit word beweer dat hy die hele nag deur sy ma sonder sorg gelaat is.
Op Usakos is die ontbinde lyk van 'n 83-jarige man verlede Woensdag op sy bed in sy huis gevind. Hy het alleen in sy huis gebly en volgens sy bure het hulle hom vir 'n week lank nie gesien nie. 'n Onnatuurlike reuk het van sy huis gekom en die bure het die polisie ingelig, wat die venster gebreek het om in te gaan. Die huis was gesluit en die sleutels is op 'n tafel binne die huis gevind.
Sy familie is nog nie van sy dood ingelig nie en sy seun bly glo in Suid-Afrika.
Ook in die Erongostreek, het 'n fratsongeluk verlede Woensdag die lewe van 'n 48-jarige vrou op Walvisbaai geëis toe 'n hek op haar geval het. 'n Bestuurder van 'n vragmotor met 'n sleepwa van Mariental het glo omstreeks 07:00 uit die perseel van Charlie's Meat Market gery nadat hy vleis afgelaai het.
Dit word beweer dat die agterkant van die vragmotor die hek getref en dit op twee vroue geval het. Hulle het gewag dat die slaghuis oopmaak om kapana te koop.
Me. Ndahambelela Nghipande (48) is op die toneel oorlede en die ander vrou (39) is beseer en in 'n hospitaal opgeneem.
MOORDE
Op Otavi het 'n man glo Sondag omstreeks 15:30 sy meisie met 'n mes gesteek. Die slagoffer, me. Rencia Hoakhaos (28) van Blikkiesdorp is na 'n hospitaal op Otavi gehaas, maar het om 20:06 aan haar beserings beswyk. Die verdagte het op die vlug geslaan en die polisie versoek enigiemand met inligting om die Otavi-polisiekantoor te kontak.
Me. Naalokoshe Joseph (20 ) van die Omhumbu-nedersetting naby Etayi in die Omusatistreek is Saterdag omstreeks 22:40 glo ook deur haar kêrel met 'n onbekende voorwerp in haar regterbors gesteek.
Die oorledene is swanger en die kêrel (20) wou glo hê dat sy 'n aborsie moet ondergaan.
Die verdagte is in hegtenis geneem.
In die Nomtsoub-nedersetting op Tsumeb het twee mans Maandag by die Stepps Inn-kroeg gedrink en hulle het begin baklei. Mnr. Paul Us Nghilifavali Kamati (23) is omstreeks 01:15 met 'n skerp voorwerp in die linkerkant van sy bors gesteek en hy is op die toneel dood. Die 27-jarige verdagte is in hegtenis geneem.
Nóg 'n kroeggeveg het in 'n moord ontaard: Op Keetmanshoop by die Blackwell-sjebien in Tseiblaagte het twee mans Saterdag ook saamgedrink en die een het die ander een met 'n mes gesteek. Mnr. Ricardo Thomas (24) is op die toneel dood en 'n 25-jarige verdagte is in hegtenis geneem.
In die hoofstad het mnr. Frederick Kondjeni (28) verlede Vrydag by die Etambi-kroeg in Onyarayongongwestraat in Ombili saam met sy vriende gedobbel en gedrink. 'n Argument het ontstaan en Kondjeni het buite toe gegaan.
Hy is later deur sy vriende met 'n steekwond in sy regterbors gevind. Hy het aan sy beserings in die Katutura-staatshospitaal beswyk. Die 44-jarige verdagte is in hegtenis geneem.
Kommentaar
Republikein
Geen kommentaar is op hierdie artikel gelaat nie