Onmin oor hoofman /Gâseb

Catherine Sasman Senior raadslede van die !Oë#Gân tradisionele owerheid wend hulle nou tot Erongo se goewerneur, Cleophas Mutjavikua, nadat hul pleidooie om te vergader met hul tradisionele hoofman, chief Immanuel /Gâseb, op dowe ore geval het.Die droogte in groot dele van die land vererger die situasie vir die gemeenskap wat in die dorre Dâures-kiesafdeling bly.Raadslede het gesê /Gâseb het "opsetlik" die gewoontereg en ander statutêre wette van die !Oë#Gân "geskend", wat tot materiële verliese en "ernstige oneerlikheid" in die tradisionele owerheid gelei het. Tydens ’n vergadering met Mutjavikua verlede week het die raadslede /Gâseb beskuldig van ongemagtigde vervreemding van kommunale grond. Hy het glo eiehandig en op grond van sy vriendskap met die Dâuredaman-leier en sonder die kennis van die gemeenskap, groot dele van kommunale grond van die !Oë#Gân aan die Dâuredaman tradisionele owerheid gegee. Volgens die ontevrede raadslede, ken die Dâuredaman-owerheid nou erwe op dié grond aan sy gemeenskap toe.Die senior raadslede beskuldig ook vir /Gâseb daarvan dat hy nie aan die regulasies van die bestuur van die kommunale trustfonds gehoor gee nie. Hulle wil hê dat die regering die finansies van die tradisionele owerheid bevries om toe te laat dat ’n forensiese oudit gedoen word. Hulle hou vol dat /Gâseb die plaas Daantjie Louw van meer as 10 000 hektaar wat die regering vir N$9,9 miljoen gekoop het, saam met uitverkore vriende en familie bewoon om die !Oë#Gân tradisionele gebied uit te brei. Die raadslede eis dat die regering hierdie plaas aan die gemeenskap teruggee. /Gâseb word ook daarvan beskuldig dat hy die hele !Oë#Gân tradisionele owerheid tussen Swapo en die United Democratic Front (UDF) verdeel, met sy teëstanders wat UDF-lede is. Na bewering het /Gâseb sonder beraadslaging met die tradisionele raad 22 bykomende raadslede aangestel om besluite op die raad te “manipuleer”. /Gâseb het vroeër al die beweringe ontken en gesê dat die ontevrede senior raadslede probeer om onthullings te voorkom van finansiële forensiese oudits wat hy gelas het.

Onmin oor hoofman /Gâseb

Kommentaar

Republikein 2025-12-12

Meld asseblief aan om kommentaar te lewer

Onmin oor hoofman /Gâseb

Kommentaar

Republikein 2025-12-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.