Onmin in Swapo-geledere

Jacqueline Louw – In ’n dringende aansoek in Windhoek se hoërhof het mnr. Kejamuina Mengendje en drie ander Swapo-lede verlede Vrydag gevra dat hul aansoek teen dié party en 80 van sy lede op die 80 lede beteken word. Mengendje is ’n voormalige Swapo-party streeksorganiseerder vir die Omahekestreek.Daar is gevra dat die aansoek by wyse van plaasvervangende betekening op die 80 lede beteken word, omdat die meeste van hulle in afgeleë gebiede bly en onbereikbaar op kort kennisgewing is.In die aansoek vra Mengendje en mnre. Maleagi Ndisiro, Frans Murangi en Progarius Muriambihu die hof vir ’n interdik om te verhoed dat 27 lede van Swapo die party se kongres van 23 tot 26 November mag bywoon. Verder vra hulle ook vir ’n bevel dat konferensies van die party se Aminus-, Otjinene-, Kalahari- en Okorukambe-distrik nietig verklaar word en ter syde gestel word.Hulle het die hof ook versoek om Swapo se politburo se onderskrywing van die Omaheke-streekskonferensie nietig te verklaar en ter syde te stel.In sy beëdigde verklaring sê Mengendje 22 lede wat op 11 September uit die party se Omaheke-, Okorukambe- en Otjinene-streekskonferensie verkies is om die partykongres by te woon, is onregmatig verkies.Verder noem hy dat 19 lede uit die Aminus-, Kalahari-, Okorukambe- en Otjinene-distrik, wat as verteenwoordigers vir die Omaheke-streekskonferensie verkies is, se verkiesing ook onreëlmatig was.Mengendje sê verder die aansoek is ingedien as gevolg van die onreëlmatighede wat die Swapo-verkiesingsproses geskend het en dat hy en die ander aansoekers ’n regverdige, vrye, deursigtige en geloofwaardige verkiesingsetos van Swapo se besluite, riglyne en grondwet nastreef.Regter Hosea Angula het beveel die kennisgewing van die aansoek moet Sondag op NBC uitgesaai word en ook in die koerante New Era en The Namibian gepubliseer word. Die verhoor sal op 20 November voortgaan.Adv. Henry Muhongo het namens die applikante opgetree terwyl adv. Sakeus Akweenda die respondent verteenwoordig het.

Onmin in Swapo-geledere

Kommentaar

Republikein 2026-05-05

Meld asseblief aan om kommentaar te lewer

Onmin in Swapo-geledere

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.