Ongeluk eis 5 van familie

Ronelle Rademeyer – Vir ’n bekende familie van die Zambezistreek het die mooi herinneringe aan hul samesyn in die feestyd gisteroggend aan skerwe gespat toe vyf van hul geliefdes in ’n ongeluk in die Bwabwata Nasionale Park in Kavango-Oos gesterf is.Me. Heritha Nankole Muyoba (52) was saam met haar suster, Namangolwa (Chingo) Nzundamo (40), die 22-jarige me. Amy Manga Sepiso en vier kinders tussen die ouderdomme van drie en 16 jaar op pad terug na Windhoek en Walvisbaai toe die ongeluk gebeur het.Muyoba en Nzundamo, wat Maandag verjaar het en deur talle vriende op Facebook geluk gewens is, het saam met Masonke Muyoba Richard Klein (8), Kasiku Nekaro (12) en Twambo Chanda (16) gesterf.Sepiso, wat die V8 Toyota Land Cruiser bestuur het, en die driejarige Nekaro Marus het die ongeluk oorleef, blyk dit uit ’n polisieverslag. Die ongeluk het gisteroggend omstreeks seweuur wes van Kongola naby Omega 3 plaasgevind.NAMDOCK TREUR OOR HOOFDie voertuig het van die pad gery en gerol nadat Sepiso vermoedelik beheer verloor het toe ’n band gebars het.Muyoba was die waarnemende uitvoerende hoof van Namdock, droogdok en skeepswerf in die Walvisbaaise hawe en Nzundamo was volgens haar Facebook-profiel in diens van die Nasionale Beplanningskommissie in Windhoek.’n Familievriend het gister aan Leandrea Louw van Republikein se Erongo-nuusspan gesê Muyoba het saam met haar suster en ’n kleinseun gesterf.Dis nie bekend wat die verwantskap tussen hulle en die ander jongmense en kinders in die voertuig was nie. Volgens die vriend probeer die familie nog om die skoknuus te verwerk.Mnr. Dries van Zyl, wat nou by Namdock as uitvoerende hoof waarneem, sê werknemers is gisteroggend van haar dood in kennis gestel en verwerk dit moeilik.“Ons almal vat dit maar baie swaar; dit is nog onwerklik vir ons,” het hy gesê.“Heritha sal met liefde onthou word vir haar nederigheid en besonderse en deernisvolle leierskapsvaardighede. Sy word geëer omdat sy ’n voorstander van gelykheid in die arbeidsmag was en dit reggekry het om as vrou ’n leierskaprol te vervul.“Sy laat ’n nalatenskap agter wat vir altyd onthou, geag en gevier sal word,” het Namdock in ’n amptelik verklaring gesê.– ronelle@republikein.com.naFOTO’sDie 52-jarige me. Heritha Nankole Muyoba, waarnemende uitvoerende hoof van Namdock. Foto FacebookDie ongeluk waarin die twee susters en drie kinders tussen 8 en 16 jaar dood is, het gisteroggend tussen Kongola en Omega 3 in die Bwabwata nasionale park plaasgevind. Foto VerskafMe. Namangolwa Nzundamo, wat Maandag 40 geword het. Foto Facebook

Ongeluk eis 5 van familie

Kommentaar

Republikein 2025-06-26

Meld asseblief aan om kommentaar te lewer

Ongeluk eis 5 van familie

Kommentaar

Republikein 2025-06-26

Meld asseblief aan om kommentaar te lewer

MELD AAN

Advertensie