Onderwysers moet minder
Permanente bestuursposte, buiten dié van skoolhoofde, gaan nie geadverteer word nie.
Henriette Lamprecht
Die ministerie van onderwys, kuns en kultuur se bulletin vir vakante poste sal uitgereik word sodra personeelbehoeftes en die koste van die voorlopige poste bepaal is.
Volgens die minister, me. Katrina Hanse-Himarwa, moes streeksdirektorate teen gister hul finale personeelbehoeftes voorlê.
“Dié behoeftes, sodra dit gekonsolideer en deur bestuur goedgekeur is, sal in die bulletin verskyn wat aan die kabinetsekretaris vir bekragtiging en gevolglike publisering voorgelê word,” het sy gesê.
Na verwagting sal dié proses teen die einde van Oktober voltooi wees.
Hanse-Himarwa het na die Onderwysersunie van Namibië (TUN) gekap oor hul “irrasionele, onverantwoordelike en misplaaste kommunikasie sonder feite”.
TUN het vroeër vandeesweek gesê onderwysers gaan volgende week uit protes teen die bulletin, wat nog nie sy verskyning gemaak het nie, vreedsame optogte in vyf streke hou.
Volgens die minister is sy nooit deur TUN of enige ander vakbond vir inligting genader of het sy 'n onderhoud met haar geweier nie.
“Ons daag TUN veral uit om die moed te hê om na vore te kom en 'n gepaste gesprek met ons te voer. Ons sal in die belang van die Namibiese kind hiertoe instem.”
Hanse-Himarwa het voorts die versekering gegee stelsels is in plek om te verseker die aanstelling van onderwysers word bespoedig, omdat die werwing van onderwysers na die streke gedesentraliseer is.
Die bulletin word gewoonlik jaarliks teen die einde van Julie uitgereik, maar besnoeiing van die ministeriële begroting het vanjaar 'n stok in die speke van dié wiel gesteek.
Volgens Hanse-Himarwa het haar ministerie die grootste personeelkorps van 45 183.
Hieruit is 41 735 poste gevul waarvan 28 688 onderwysers is.
Tans word 85% van die ministerie se totale begroting aan salarisse bestee, met weinig oor vir kapitaalbesteding, wat volgens haar 'n “beduidende invloed op onderrig en onderwys het”.
doen MEER MET MINDER
“Die feit dat ons 'n nasionale situasie in die gesig staar wat ons verplig om meer met minder te doen, dwing ons om te verseker die nodige redelike stappe word gevolg alvorens ons onsself tot enige besteding verbind.”
Die minister het voorts gesê die ministerie se salarisrekening styg jaarliks en het uit 'n ekonomiese perspektief onvolhoubare vlakke bereik.
In die lig hiervan is verskeie inisiatiewe van stapel gestuur om besteding waar nodig in te perk. Dit sluit die implementering van 'n verminderde vergoedingstrategie op alle vlakke in - insluitende die advertering van poste vir personeellede.
Dit sluit ook permanente bestuursposte by skole in, buiten skoolhoofposte, waarvoor nie geadverteer sal word nie. Dié vakante poste vir departementshoofde word nou slegs op 'n tydelike basis gevul.
Die jaarlikse vergelyking van die salarisrekening met dié van die jaarlikse onderwyssensus word gedoen om enige spookonderwysers uit te skakel.
Die ontleding van huidige personeelvlakke by skole en die moontlike sluiting van skole wat ekonomies nie volhoubaar is nie, asook surplusse en tekorte aan personeel is volgens Hanse-Himarwa 'n deurlopende proses wat binne die volgende drie jaar voltooi sal word.
“Die skep van poste in die onderwysstruktuur word gelei deur die aantal leerlinge. 'n Toename in leerlinge regverdig die aanstelling van bykomende onderwysers. Die tekort aan geld om dié poste te vul, het 'n negatiewe invloed op onderrig en onderwys.”
Die minister het gesê daar word van haar ministerie verwag om die stygende salarisrekening te beheer en ook die grootte van die ministerie met betrekking tot sy personeel in te kort.
Streekskantore het in Julie profiele van hul personeelkorps aan die hoofkantoor voorgelê. Verifiëring hiervan is as maatstaf vir kwaliteitbeheer gedoen.
“Die verifiëringsproses het gewys die finansiële implikasies van personeelbehoeftes soos op streeksvlak deurgegee was hoogs onvolhoubaar.”
Volgens Hanse-Himarwa was die ministerie gevolglik verplig om die aanvanklike personeelbehoeftes te verminder.
Direktorate is aangesê om hul behoeftes krities te ontleed en om hul prioriteitslys vir vakante poste weer voor te lê.
Die ministerie van onderwys, kuns en kultuur se bulletin vir vakante poste sal uitgereik word sodra personeelbehoeftes en die koste van die voorlopige poste bepaal is.
Volgens die minister, me. Katrina Hanse-Himarwa, moes streeksdirektorate teen gister hul finale personeelbehoeftes voorlê.
“Dié behoeftes, sodra dit gekonsolideer en deur bestuur goedgekeur is, sal in die bulletin verskyn wat aan die kabinetsekretaris vir bekragtiging en gevolglike publisering voorgelê word,” het sy gesê.
Na verwagting sal dié proses teen die einde van Oktober voltooi wees.
Hanse-Himarwa het na die Onderwysersunie van Namibië (TUN) gekap oor hul “irrasionele, onverantwoordelike en misplaaste kommunikasie sonder feite”.
TUN het vroeër vandeesweek gesê onderwysers gaan volgende week uit protes teen die bulletin, wat nog nie sy verskyning gemaak het nie, vreedsame optogte in vyf streke hou.
Volgens die minister is sy nooit deur TUN of enige ander vakbond vir inligting genader of het sy 'n onderhoud met haar geweier nie.
“Ons daag TUN veral uit om die moed te hê om na vore te kom en 'n gepaste gesprek met ons te voer. Ons sal in die belang van die Namibiese kind hiertoe instem.”
Hanse-Himarwa het voorts die versekering gegee stelsels is in plek om te verseker die aanstelling van onderwysers word bespoedig, omdat die werwing van onderwysers na die streke gedesentraliseer is.
Die bulletin word gewoonlik jaarliks teen die einde van Julie uitgereik, maar besnoeiing van die ministeriële begroting het vanjaar 'n stok in die speke van dié wiel gesteek.
Volgens Hanse-Himarwa het haar ministerie die grootste personeelkorps van 45 183.
Hieruit is 41 735 poste gevul waarvan 28 688 onderwysers is.
Tans word 85% van die ministerie se totale begroting aan salarisse bestee, met weinig oor vir kapitaalbesteding, wat volgens haar 'n “beduidende invloed op onderrig en onderwys het”.
doen MEER MET MINDER
“Die feit dat ons 'n nasionale situasie in die gesig staar wat ons verplig om meer met minder te doen, dwing ons om te verseker die nodige redelike stappe word gevolg alvorens ons onsself tot enige besteding verbind.”
Die minister het voorts gesê die ministerie se salarisrekening styg jaarliks en het uit 'n ekonomiese perspektief onvolhoubare vlakke bereik.
In die lig hiervan is verskeie inisiatiewe van stapel gestuur om besteding waar nodig in te perk. Dit sluit die implementering van 'n verminderde vergoedingstrategie op alle vlakke in - insluitende die advertering van poste vir personeellede.
Dit sluit ook permanente bestuursposte by skole in, buiten skoolhoofposte, waarvoor nie geadverteer sal word nie. Dié vakante poste vir departementshoofde word nou slegs op 'n tydelike basis gevul.
Die jaarlikse vergelyking van die salarisrekening met dié van die jaarlikse onderwyssensus word gedoen om enige spookonderwysers uit te skakel.
Die ontleding van huidige personeelvlakke by skole en die moontlike sluiting van skole wat ekonomies nie volhoubaar is nie, asook surplusse en tekorte aan personeel is volgens Hanse-Himarwa 'n deurlopende proses wat binne die volgende drie jaar voltooi sal word.
“Die skep van poste in die onderwysstruktuur word gelei deur die aantal leerlinge. 'n Toename in leerlinge regverdig die aanstelling van bykomende onderwysers. Die tekort aan geld om dié poste te vul, het 'n negatiewe invloed op onderrig en onderwys.”
Die minister het gesê daar word van haar ministerie verwag om die stygende salarisrekening te beheer en ook die grootte van die ministerie met betrekking tot sy personeel in te kort.
Streekskantore het in Julie profiele van hul personeelkorps aan die hoofkantoor voorgelê. Verifiëring hiervan is as maatstaf vir kwaliteitbeheer gedoen.
“Die verifiëringsproses het gewys die finansiële implikasies van personeelbehoeftes soos op streeksvlak deurgegee was hoogs onvolhoubaar.”
Volgens Hanse-Himarwa was die ministerie gevolglik verplig om die aanvanklike personeelbehoeftes te verminder.
Direktorate is aangesê om hul behoeftes krities te ontleed en om hul prioriteitslys vir vakante poste weer voor te lê.
Kommentaar
Republikein
Geen kommentaar is op hierdie artikel gelaat nie