Onderwysers bespreek Afrikaans

Yochanaan Coetzee - Afrikaans-onderwysers dwarsoor die land het verlede week in Windhoek vergader vir die Professionele Vereniging vir Afrikaanse Taalonderrig in Namibië (PVATN) se 17de kongres.By dié jaarlikse byeenkoms word onderwysers deur kenners ingelig oor die jongste onderwysteorieë en -metodes.Dit gee hulle ook die geleentheid om ander taalonderwysers te ontmoet en om wenke met mekaar te deel. “Vanjaar het meer as 240 onderwysers ons kongres bygewoon. Dit is baie spesiaal dat, hoewel baie skole nie meer skoolfondse ontvang nie, hulle kans sien om hul onderwysers vir twee dae af te staan en hul koste om die kongres by te woon, dek,” het professor Herman Beyer, van die PVATN se bestuursraad, gesê.“Ons sien dit as 'n aanduiding dat skole die waarde van hierdie geleenthede vir professionele ontwikkeling besef.”Temas soos taalmotivering, riglyne vir die opstel van eksamens en die implementering van die nuwe kurrikulum vir graad 8 was hoog op die agenda en is deur kenners soos me. Leona Compion, dr. Frikkie Engelbrecht en dr. Nicoline Woest bespreek. “Daar is 'n paar veranderinge in die graad 8-kurrikulum,” het Compion gesê. “Soos elke jaar is dié 'n baie goeie ervaring. Dit is baie leersaam en met elke spreker ontdek ons meer oor taalonderwyskunde,” het me. Magrietha van der Brooks, senior onderwysbeampte van die //Kharasstreek, gesê.“Die implementering van die nuwe kurrikulum is nou baie duideliker,” het mev. Anna Afrikaaner, 'n onderwyseres van die Sekondêre Skool PK de Villiers, bygevoeg.“Om opleiding in tale te doen is nie speletjies nie. So dié is ook 'n geleentheid vir onderwysers om mekaar te leer ken, te ondersteun en hul ervaringe met mekaar te deel,” het Beyer gesê.'n Volledige digitale databasis word tans geskep om onderwysers maklike toegang tot vraestelle en ander inligting te gee. “Die afgelope jare registreer al meer leerlinge vir Afrikaans-eksamens, en by Unam sien ons ook meer belangstelling in Afrikaans. Ons is bly om te sien dat al meer eerste en tweede taalsprekers die taal aangryp. Ons is ook gelukkig dat alle tale in Namibië gerespekteer word, maar ons moet erken Afrikaans is 'n Afrika-taal en die lingua franca vir 'n groot deel van Suider-Afrika. Om hierdie rede moet dit dieselfde beskerming en bevordering as ander Afrika-tale ontvang,” het Beyer gesê.

Onderwysers bespreek Afrikaans

Kommentaar

Republikein 2026-05-05

Meld asseblief aan om kommentaar te lewer

Onderwysers bespreek Afrikaans

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.