Onderwyseres ‘ontvoer’ skoolmeisie glo vir seks

Henriette Lamprecht – ’n Onderwyseres van ’n hoërskool in die Suide het gister in die hof verskyn op aanklagte dat sy glo ’n skoolmeisie ontvoer en met haar seks gehad het. Die 45-jarige Valery Mildred Bock, ’n onderwyseres verbonde aan die Hoërskool Suiderlig op Keetmanshoop, is van ontvoering en immorele dade aangekla. Die 15-jarige meisie is ’n leerling van ’n ander hoërskool op die dorp.Volgens die polisie se koördineerder van misdaadondersoeke vir die ||Kharasstreek, adj.komm. Chrispin Mubebo, is Bock op borgtog van N$4 000 vrygelaat en moet sy weer op 31 Julie in die hof verskyn. Volgens Mubebo het die skoolmeisie se ma en lede van die publiek die polisie se hulp ingeroep om die saak te ondersoek.“Ons het ’n tyd gelede inligting van die publiek en ook die ouer gekry om te ondersoek,” het Mubebo gesê.Volgens hom het die polisie ’n lasbrief gekry om Bock se huis te deursoek. Die meisie is tydens die ondersoek by haar huis gekry. Intussen het die minister van onderwys, kuns en kultuur, me. Katrina Hanse-Himarwa, bevestig dat ’n ondersoek na die “ongelukkige” voorval van stapel gestuur is. Sy het egter gemaan die aantygings is tans net beweringe totdat ’n ondersoek die teendeel bewys.“Ons gaan die saak beslis ondersoek, maar tans is dit in die hande van die direkteur van onderwys vir die ||Kharasstreek wat op sy beurt aan ons sal rapporteer,” het Hanse-Himarwa gesê.Volgens die minister is die direkteur “die naaste aan die werklikheid op die grond”.“Wanneer ons die volledige verslag van hom ontvang, sal ons daarvolgens optree en besluite neem. Ons kan nie net op grond van beweringe besluite neem nie.” Hanse-Himarwa wou in die lig hiervan haarself nie uitlaat oor of Bock en die betrokke leerling geskors is nie. “Stappe en besluite sal geneem word wanneer ons die verslag in die hand het.”Sy het voorts gesê dit is betreurenswaardig dat ’n vroue-onderwyser by so iets betrek word. “Oor die algemeen is dit mans en manlike onderwysers wat by so iets betrokke is en dit is iets waaroor ek myself altyd baie sterk uitlaat. Om te hoor dis dié keer ’n vrou, is ongelukkig.”

Onderwyseres ‘ontvoer’ skoolmeisie glo vir seks

Kommentaar

Republikein 2025-11-05

Meld asseblief aan om kommentaar te lewer

Onderwyseres ‘ontvoer’ skoolmeisie glo vir seks

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.