Onderwys - Slaagsyfer vs voltooiïngskoers

15 January 2020 | Rubrieke
Die Suid-Afrikaanse graad 12-eksamen­uitslae vir 2019 is onlangs bekend gestel en me. Angie Motshekga, die minister van onderwys, kon kwalik haar vreugde beteuel.

Beide staat- en privaatskole het volgens haar uitstekend gevaar. Die vak- ­sowel as die algehele prestasies toon 'n duidelike opwaartse kurwe. Van die 787 717 kandidate wat die eksamen vir staatskole afgelê het, het 83,3% geslaag terwyl 23,62% universiteitstoelating gekry het. Heelwat kandidate het onderskeidings en A-simbole in vakke verwerf.

'n Mens kan jou indink dat die vreugdevure in die meeste onderwysgemeen­skappe hoog sou brand.

Leerlinge en ouers het gejuig en die betrokke besluitnemers (politici en administrateurs) was net so ingenome.

Die polemiek wat in sekere kringe gevolg het, verbaas eintlik. Professor Jonathan Jansen, voormalige rektor van die Universiteit van die Vrystaat en tans hoogleraar aan die Universiteit van Stellenbosch, stem nie saam dat die uitslae die euforie regverdig nie. Volgens hom moet mens eerder kyk na die voltooiingskoers ("completion rate"). Dit verteenwoordig die aantal leerlinge (uitgedruk in persentasie) wat graad 1 in 2008 begin het en hul skoolloopbane na 12 jaar in graad 12 afgesluit het. Die berekening van hierdie koers sluit bevorderings- en herhalingskoerse in asook voortydige skoolverlating (ook as gevolg van siekte en dood) en die terugkeer van leerlinge.

Namibiese eksamenowerhede kondig nie voltooiingskoerse aan wanneer ons uitslae bekend gemaak word nie.

Volgens Desember en Januarie se aankondigings weet ons wel op graad 12 hoërvlak (voltydse en deeltydse kandidate vir NSSCH) het 9.6% van vakinskrywings nie punte ontvang nie ("ungraded") en 1,76% van vakke waarvoor ingeskryf is, is nie voltooi nie. Laasgenoemde persentasie is 0,53% vir voltydse kandidate en 15,5% vir deeltydse kandidate. Kommer is in sekere kringe uitgespreek oor die groot aantal 4-graderings (30,8%).

Van voltydse vakinskrywings op gewone vlak (NSSCO) was 7,3% ongegradeerd met 'n nie-voltooiingsyfer van 0,7%. Vir deeltydse vakinskrywings was die syfers onderskeidelik 18,5% en 12,9%. Die aantal vaksimbole benede 'n E (F- en G-simbole) was vir beide groepe 32,3% van alle vakinskrywings.

Ons aanvaar dit behoort nie langer as 12 jaar te neem om van graad 1 tot 12 te vorder nie. Enigiets meer dui op 'n vermorsing van skaars bronne. Voortydige skoolverlaters plaas ook geweldige druk op die ekonomie. Die voltooiingskoers is 'n belangrike aanduiding van die vlak van interne doeltreffendheid ("internal efficiency") van 'n onderwysstelsel.

'n Inwoner van Windhoek stem egter nie saam met die Suid-Afrikaanse perspektief nie. Hy fokus eerder op die aantal suksesvolle leerlinge, uitgedruk as 'n persentasie van die groep wat die eksamen afgelê het. Hy het 'n punt beet.

Skoolverlaters, ouers, werkgewers en opleidingsinstansies stel nie net belang in hoeveel leerlinge geslaag het nie, maar ook in die kwaliteit van simbole. Minder belangstelling word getoon in hoe lank dit leerlinge geneem het om hul skoolloopbane te voltooi. Politici wat in beheer van beleid is en bepaal hoeveel hulpbronne die onderwysstelsel ontvang, maak ook min melding hiervan.

Ek is egter geneig om Jonathan Jansen gelyk te gee. Dit sou onwys wees om net voortreflike graad 12-uitslae as 'n aanduider van kwaliteit onderwys te beskou. 'n Aantal maatstawwe, wat gedurig in wisselwerking met mekaar is en uiteindelik in die voltooiingskoers neerslag vind, gee 'n vollediger beeld.

Ons voltooiingskoers in Namibië is na beraming 30%. Dit is 'n aanduiding van 'n baie lae interne doeltreffendheidskoers. Verder is die hoë werkloosheidsyfer onder die jeug moontlik 'n aanduiding van 'n baie lae eksterne doeltreffendheidskoers.

Ons moet indringend kyk wat werklik in ons skole aangaan en of die huidige leerplan ons jeug genoegsaam vir die arbeidsmag voorberei. Ons sal nog moet sien of die hersiende leerplan die antwoord is.

Die beplande nasionale konferensie oor Engels is definitief 'n stap in die regte rigting.

Soortgelyk

 

Beweerde aanrander vry op borg

5 ure gelede | Howe

Jeanette Diergaardt – Mnr. Samuel Shikale, wat na bewering ’n vroulike winkelassistent Sondag by Pick n Pay Mega Centre in Klein Kuppe aangerand het, is...

Britte bring grendeltyd op Kalahari-duin deur

5 ure gelede | Gemeenskap

Ronelle Rademeyer – As dit nie vir die Covid-19-pandemie en die wêreldwye inperkingsmaatreëls was nie, sou ’n Britse egpaar nou al halfpad deur Afrika op...

Air Namibia kan vlieg ná nagtelike interdik

5 ure gelede | Vervoer

Ronelle Rademeyer – Air Namibia kon Woensdagnag daarin slaag om in die hoërhof in Windhoek ’n tussentydse hofbevel te kry wat die Vervoerkommissie van Namibië...

Okahandja se water lol weer

5 ure gelede | Regering

Denver Kisting – Die uitvoerende hoof van die Okahandja-munisipaliteit, me. Martha Mutilifa, het die afgelope week erken die tuindorp gaan opnuut gebuk onder waterprobleme.Dít kom...

Nog 20 gevalle vir Walvisbaai

5 ure gelede | Gesondheid

Henriette Lamprecht Namibië se aantal bevestigde Covid-19-gevalle het gistermiddag op 615 gestaan, nadat nog 22 gevalle die afgelope 24 uur in die land aangeteken is....

Weer vir 10 Julie 2020

5 ure gelede | Weer

WEERWAAK: Baie koue, winderige en reënerige toestande word in die ||Kharas-, Hardapstreek en westelike plato verwag. Yskoue weer sal Saterdag oor die sentrale en oostelike...

LPM vaar uit teen ‘Animal Farm’

5 ure gelede | Regering

Denver Kisting – Die Landless People’s Movement (LPM) sê by monde van sy nasionale woordvoerder, me. Sade Gawanas, die manier hoe daar op kritiek teen...

Vegter vir robbe

5 ure gelede | Omgewing

Tanja Bause – “Ons sit met ’n reuseprobleem. Ons moet iets doen en vinnig ook,” sê Naude Dreyer, die man agter Ocean Conservation Namibia (OCN)....

Honde trek menige wildstropers vas

5 ure gelede | Omgewing

Francoise Steynberg Die vyf honde wat in 2017 deur die ministerie van die omgewing, bosbou en toerisme ingespan is om met teenstropery te help,...