Onderwys se mensekapitaal

Op Rundu het die adjunkminister van onderwys, kuns en kultuur, me. Anna Nghipondoka, volgens New Era gesê onderwysers moet hulself in nuwe leerplanne oplei.Dié saak het egter twee kante.Leerkragte wat hul taak ernstig opneem, sal nie op hul hande sit nie. Onderwysers behoort uit die aard van hul werk hul gesonde verstand in te span en, soos die minister sê, hulself te skool, met ander onderwysers en skole saam te werk en raad te vra as hul regtig vasdraai.Die ministerie het onlangs gesê sowat 45 000 onderwysers is die afgelope jare in nuwe leerplanne opgelei. Almal kon weens kostes nie persoonlik geskool word nie. Hiervoor is begrip.Die model wat ingespan is, verg dat opgeleides in hul streke en kringe ander oplei. Dit skep bykomende uitgawes. Behoorlike toesig en monitering is ook nodig.Die regering kan sy hande dus nie so maklik in onskuld was nie. Ook wat die beperkte beskikbaarheid van handboeke en ander hulpmiddels betref.Dit is geen geheim dat alle onderwysers in diens van die staat, om verskeie redes, nie noodwendig die beste mensekapitaal vir die roeping is nie. Die feit sál bykomende struikelblokke skep.Beskik onderwysers oor die nodige, basiese vaardighede en is hulle gemotiveerd? Daar is talle ander belangrike faktore was sukses bepaal.Die konkoksie van beskuldigings, noodmaatreëls en kitsoplossings waarmee ons probeer voortkarring, sal nie Namibië se diepliggende onderwysprobleme oplos nie. So sê ander29 Januarie 2020 Skuldiges moet pa staan vir Enock, maar nie só nie Suid-Afrikaners is diep geskok oor die verdrinking van die 13-jarige Enock Mpianzi tydens 'n skooluitstappie.Veral oor die argelose wyse waarop Parktown Boys' High, aan wie sy ouers sy veiligheid toevertrou het, met hierdie kosbare jong lewe omgegaan het. Vrae word ook gevra oor die aard van die oriënteringskamp.Wie moet vir hierdie tragedie pa staan? Panyaza Lesufi, Gautengse LUR vir onderwys, het met kenmerkende bombasme aangekondig hy skors die skoolhoof, Malcolm Williams. Met dié outokratiese optrede lê hy sy onkunde oor die Wet op die Indiensneming van Opvoeders bloot. Ingevolge dié wet het net die hoof van die provinsiale departement van onderwys die mandaat om Williams te skors.Die regte prosedure behels voorts dat 'n onderwyser 'n reg op appèl na die betrokke LUR het. Maar omdat Lesufi hom reeds skuldig bevind het, het Williams nie 'n kans op 'n regverdige verhoor nie.Nog slegte nuus vir Lesufi is dat hy self ingevolge die Skolewet vir Enock se dood aanspreeklik gehou kan word.Diegene wat vir Enock Mpianzi in die steek gelaat het, móét verantwoordelik gehou word – maar ingevolge die korrekte prosedures. Dit sluit nie in die onbehoorlike inmenging in operasionale kwessies deur 'n ambisieuse LUR nie.• NETWERK24

Onderwys se mensekapitaal

Kommentaar

Republikein 2025-07-17

Meld asseblief aan om kommentaar te lewer

Onderwys se mensekapitaal

Kommentaar

Republikein 2025-07-17

Meld asseblief aan om kommentaar te lewer

MELD AAN

Advertensie