Onderwys kry meer geld
Henriette Lamprecht – Die terugkeer van graad 11- en 12-leerlinge vir formele onderrig was relatief sonder struikelblokke.
Die minister van onderwys, kuns en kultuur, me. Anna Nghipondoka, het tydens die tertafellegging van haar ministerie se begroting in die Nasionale Vergadering gesê N$15 miljoen is van die Nasionale Rampbestuursfonds ontvang vir die aankoop van Covid-19-verwante materiaal om skole gereed te kry om te heropen.
Volgens Nghipondoka het 338 skole, waarvan 50 privaatskole is, reeds geopen en is 48 035 graad 11- en 12-leerlinge terug op die skoolbanke.
Drie skole het weens gebrekkige infrastruktuur nog nie geopen nie, wat 1 313 leerlinge raak.
Volgens die minister word 28 senior sekondêre skole tans geraak deur die inperking van die Erongostreek wat tot 22 Junie duur.
Die ministerie is tans ook besig met die voorbereiding van die terugkeer van leerlinge in die junior primêre fase, terwyl die terugkeer van die laaste groepe leerlinge in konsultasie met die ministerie van gesondheid en maatskaplike dienste (MoHSS) geskied.
Volgens Nghipondoka werk die ministerie met afgeskaalde inhoud, soos bepaal deur die Nasionale Instituut vir Opvoedkundige Ontwikkeling (Nied), met fokus op sleutelkomponente van die leerplan wat in die oorblywende tydperk van die skoolkalender aangebied sal word.
BEDRYFSBEGROTING
Met verwysing na die ministeriële begroting sê Nghipondoka haar ministerie het 40 000 werknemers waarvan meer as 27 000 onderwysers is. Vir die huidige akademiese jaar is 804 074 leerlinge in skole oral in die land ingeskryf.
Die ministerie het die grootste toekenning gekry en wel N$14 miljard, 'n algehele verhoging van 2,6% in vergelyking met die 2019-'20-finansiële jaar.
Dit sluit 'n bedryfsbegroting van N$13,2 miljard en 'n ontwikkelingsbegroting van N$895 miljoen in. Sowat N$10,9 miljard ofte wel 77% van die begroting gaan vir personeeluitgawes. Net 6% is vir kapitaaluitgawes, met die oorblywende 17% wat geoormerk is vir ander bedryfsuitgawes waarvan die meerderheid vir streekoordragte is.
Om die ministerie meer vaartbelyn te maak, sê Nghipondoka, sal onder meer standaardplanne vir skole opgestel word om bou- en konsultasiekoste te verminder. Vennootskappe sal ook met openbare en private entiteite gevorm word om koste te beperk en die lewering van dienste te bespoedig.
Nghipondoka het ses sleutelprogramme uitgewys, naamlik preprimêre onderrig (N$452,2 miljoen), primêre onderrig (N$8,8 miljard), sekondêre onderrig (N$4,1 miljard), inligting, volwasse en lewenslange onderrig, kuns en kultuur (N$468 miljoen), MIV/vigsbestuur (N$2,1 miljoen) en beleidskoördinering en ondersteuningsdienste (N$1,8 miljard).
Aangesien die grootste deel van die ministerie se begroting vir bedryfsuitgawes geoormerk is, bly die konstruksie van klaskamers, nuwe skole en koshuise en die onderhoud daarvan volgens die minister 'n uitdaging. – [email protected]
Die minister van onderwys, kuns en kultuur, me. Anna Nghipondoka, het tydens die tertafellegging van haar ministerie se begroting in die Nasionale Vergadering gesê N$15 miljoen is van die Nasionale Rampbestuursfonds ontvang vir die aankoop van Covid-19-verwante materiaal om skole gereed te kry om te heropen.
Volgens Nghipondoka het 338 skole, waarvan 50 privaatskole is, reeds geopen en is 48 035 graad 11- en 12-leerlinge terug op die skoolbanke.
Drie skole het weens gebrekkige infrastruktuur nog nie geopen nie, wat 1 313 leerlinge raak.
Volgens die minister word 28 senior sekondêre skole tans geraak deur die inperking van die Erongostreek wat tot 22 Junie duur.
Die ministerie is tans ook besig met die voorbereiding van die terugkeer van leerlinge in die junior primêre fase, terwyl die terugkeer van die laaste groepe leerlinge in konsultasie met die ministerie van gesondheid en maatskaplike dienste (MoHSS) geskied.
Volgens Nghipondoka werk die ministerie met afgeskaalde inhoud, soos bepaal deur die Nasionale Instituut vir Opvoedkundige Ontwikkeling (Nied), met fokus op sleutelkomponente van die leerplan wat in die oorblywende tydperk van die skoolkalender aangebied sal word.
BEDRYFSBEGROTING
Met verwysing na die ministeriële begroting sê Nghipondoka haar ministerie het 40 000 werknemers waarvan meer as 27 000 onderwysers is. Vir die huidige akademiese jaar is 804 074 leerlinge in skole oral in die land ingeskryf.
Die ministerie het die grootste toekenning gekry en wel N$14 miljard, 'n algehele verhoging van 2,6% in vergelyking met die 2019-'20-finansiële jaar.
Dit sluit 'n bedryfsbegroting van N$13,2 miljard en 'n ontwikkelingsbegroting van N$895 miljoen in. Sowat N$10,9 miljard ofte wel 77% van die begroting gaan vir personeeluitgawes. Net 6% is vir kapitaaluitgawes, met die oorblywende 17% wat geoormerk is vir ander bedryfsuitgawes waarvan die meerderheid vir streekoordragte is.
Om die ministerie meer vaartbelyn te maak, sê Nghipondoka, sal onder meer standaardplanne vir skole opgestel word om bou- en konsultasiekoste te verminder. Vennootskappe sal ook met openbare en private entiteite gevorm word om koste te beperk en die lewering van dienste te bespoedig.
Nghipondoka het ses sleutelprogramme uitgewys, naamlik preprimêre onderrig (N$452,2 miljoen), primêre onderrig (N$8,8 miljard), sekondêre onderrig (N$4,1 miljard), inligting, volwasse en lewenslange onderrig, kuns en kultuur (N$468 miljoen), MIV/vigsbestuur (N$2,1 miljoen) en beleidskoördinering en ondersteuningsdienste (N$1,8 miljard).
Aangesien die grootste deel van die ministerie se begroting vir bedryfsuitgawes geoormerk is, bly die konstruksie van klaskamers, nuwe skole en koshuise en die onderhoud daarvan volgens die minister 'n uitdaging. – [email protected]
Kommentaar
Republikein
Geen kommentaar is op hierdie artikel gelaat nie