Ondersoek pla nie, maar tabakreus steeds 8% laer

Nellie Brand-Jonker - Die tabakgroep British American Tobacco (BAT) se beleggers het hul Dinsdagoggend min gestuur aan die aankondiging dat ’n amptelike ondersoek die kantoor vir ernstige bedrog (SFO) van Brittanje oor beweerde korrupsie in Afrika geopen is.Sy aandeelprys het 1,3% tot R835,65 gestyg. Die groep het verlede week weer sy beleggers oor die ondersoek na beweerde korrupsie gewaarsku nadat beleggers die eerste keer in sy jaarverslag van 2015 daaroor ingelig is.Richard Burrows, voorsitter, het in die jaarverslag gesê die maatskappy se gedrag en standaarde waarvolgens hy sake doen het in die soeklig gekom weens die beweringe van omkopery in Oos-Afrika in 2012. Die groep het toe ’n eksterne regsfirma aangestel om die bewering ten volle te ondersoek.Die styging Dinsdagoggend het gehelp om die val in sy aandeelprys sedert Vrydagoggend effens om te keer. Sy aandeelprys is egter steeds amper 8% laer sedert Vrydagoggend nadat die Amerikaanse voedsel-en-medisyne-owerheid (FDA) aangekondig het hy gaan stappe doen om die nikotien in sigarette te verlaag. Die bekende aandeelmakelaar David Shapiro het Vrydag op Twitter gesê: “British American Tobacco het 10% geval ná berigte dat die FDA nikotien tot onder verslawende vlakke wil verminder”.Conrad Africa, ’n aandeelhandelaar, het op Twitter gesê: “British American Tobacco is besig om af te ‘brand’. Bloomberg berig dit is agt jaar nadat die FDA die magtiging gekry het om ’n wesenlike verandering aan rookgewoontes in Amerika te maak wat die instelling uiteindelik opgetree het.Die styging in sy aandeelprys Dinsdag volg waarskynlik na die beleggingsbank UBS in 'n navorsingsnota gesê het na die 10% daling in sy aandeelprys glo hy die aankondiging van die FDA is nou ingeprys en daar kan net voordele wees in die versnelde verskuiwing van verbruikers na nuwe tabakprodukte toe. “Baie mense dink al lankal hieroor, insluitende kundiges in die agentskap, insluitende myself,” het dr. Scott Gottlieb, die kommissaris van die FDA, oor die besluit gesê.Die stap deur die FDA het tabakgroepe se aandeelpryse skerp laat daal.Die aandeelprys van Altria-groep, wat Marlboro-sigarette maak, het Vrydag met 9,5% geval. BAT het aan die einde van die dag 6,8% verloor.Sy aandeelprys het veral pak gekry omdat hy net verlede week die $50 miljoen-oorname van die Amerikaanse tabakgroep Reynolds afgehandel het.Dit is die grootste daling sedert 2008 vir dié maatskappye. Gottlief is deur pres. Donald Trump aangestel. Dit word as ’n teken gesien dat hy sy mandaat as baie wyd sien. Hy het ook beloof om stappe te doen teen die verslawing aan voorgeskrewe medisyne en opiate.“Ek het beloof om aggressiewe stappe te doen om die epidemie van verslawing aan opiate te takel. Ek sien die geleentheid om die verslawing aan nikotien met dieselfde verbintenis te konfronteer. Ek sal pogings om die verslawing aan nikotien met dieselfde intensiteit najaag.” Reuters het berig BAT het Vrydag gesê hy is nie verras deur die aankondiging van die FDA nie en is goed voorbereid op die komende samesprekinge oor die beleid. “Ons Amerikaanse filiaal Reynolds American en sy bedryfsmaatskappye is bemoedig deur die Gottlieb se kommentaar wat erkenning gegee het aan tabakmaatskappye se beleidstelling om die skade van tabak te verminder en dat nie alle tabakprodukte dieselfde risiko het nie.” Gottlieb het aangekondig hy gaan mentolsigarette verbied omdat dit die potensiaal het om jong mense na rook te lok.BAT het gesê dié kommentaar is ook nie verrassend nie.KASSIE:Minder Peter Stuyvesants verkoopBritish American Tobacco het verlede week gesê in die halfjaar tot einde Junie het die hoeveelheid sigarette wat in Suid-Afrika verkoop is gedaal. Sy wins het ook gedaal weens verbruikers wat na goedkoper produkte verskuif het en na onwettige sigarette.Benson & Hedges en Dunhille het hul markaandeel gegroei.Die groei is egter teengewerk deur die laer verkope van Peter Stuyvesant. Die sigarette het markaandeel verloor. Netwerk24

Ondersoek pla nie, maar tabakreus steeds 8% laer

Kommentaar

Republikein 2025-11-05

Meld asseblief aan om kommentaar te lewer

Ondersoek pla nie, maar tabakreus steeds 8% laer

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.