Ondersoek na oorlogvergrype begin spoedig
Die eerste formele ondersoek ooit na beweerde menseregteskendinge deur Swapo moet as ‘n “reusagtige politieke les” vir almal dien, sê ‘n protagonis.
Catherine Sasman - Die kommissie van ondersoek sal amptelik op 2 September begin met ondersoek na menseregteskendinge en oorlogsmisdade in ballingskap, sê die voorsitter van die Komitee van Ouers, me. Erica Beukes.
Sy het ‘n finale lys bekend gemaak van 13 nasionale en internasionale rolspelers wat tot dusver hul bereidwilligheid verklaar het om op die kommissie te dien.
Van die internasionale gemeenskap is dit die afgetrede hoërhofregter van Zimbabwe en waarnemende hoërhofregter in Suid-Afrika, Chris Greenland, die Suid-Afrikaanse advokaat Carmen Beukes, Zinsele Khoisan, John Liebenberg en Fuad Arnold asook Nick Bailey van Brittanje en Mirek Vodslon van Duitsland. Namibiërs wat aangedui het dat hulle sal deelneem, is Monica von Wietersheim, Paul Thomas, Toivo Ashipala, Hendrik Christian en dr. John Nakuta.
Ander name wat vantevore genoem is, maar nog nie bevestig is nie, is Leah Shaanika van Namibië en Paul Threwela van Brittanje.
Die ondersoek, wat oor ‘n tydperk van ses maande in die vooruitsig gestel word, sal begin met die versameling dokumentêre voorleggings oor elke tydperk in ballingskap vanaf 1966 tot 1989 en die post-koloniale tydperk, insluitende die Caprivi-afstigting, tot op hede.
Hierdie proses sal waarskynlik ongeveer twee maande duur waarna die dokumentêre bewyse met mondelinge getuienis vergelyk sal word.
Die gesamentlike Komitee van Ouers en die Waarheid- en Geregtigheidskomitee, wat aan die spits van die inisiatief staan, sê die vordering van die ondersoek sal tweeweekliks gepubliseer word. Die publikasies sal as harde kopie en aanlyn te koop wees.
Die kommissie sal onder meer ondersoek instel na die dood en aanhouding van Namibiese vlugtelinge, beweringe oor martelings, gedwonge erkentenisse deur aangehoudenes, klagtes wat deur lede van die Swapo-jeugliga en PLAN-vegters in 1976 teen die Swapo-leierskap gemaak is, die betrokkenheid van buitelandse sendings en ander instansies, en die Johnny ya Otto Kommissie van Ondersoek se bevindinge.
“Hierdie proses sal ‘n reuse- politieke les nie net vir Afrika nie, maar vir die wêreld wees oor die gevare wat ‘n populêre front inhou,” het Beukes gister gesê.
Beukes het verduidelik dat verwagtinge verskil. Sy hoop wel dat die kommissie van ondersoek met omvattende bevindinge en aanbevelings, gegrond op konvensies van die Verenigde Nasies, vorendag sal kom.
Beukes sê vergoeding sal ‘n kernelelement van die ondersoek uitmaak, wat nie tot mediese en sielkundige behandeling van die slagoffers en hul families beperk is nie.
Sy het ‘n finale lys bekend gemaak van 13 nasionale en internasionale rolspelers wat tot dusver hul bereidwilligheid verklaar het om op die kommissie te dien.
Van die internasionale gemeenskap is dit die afgetrede hoërhofregter van Zimbabwe en waarnemende hoërhofregter in Suid-Afrika, Chris Greenland, die Suid-Afrikaanse advokaat Carmen Beukes, Zinsele Khoisan, John Liebenberg en Fuad Arnold asook Nick Bailey van Brittanje en Mirek Vodslon van Duitsland. Namibiërs wat aangedui het dat hulle sal deelneem, is Monica von Wietersheim, Paul Thomas, Toivo Ashipala, Hendrik Christian en dr. John Nakuta.
Ander name wat vantevore genoem is, maar nog nie bevestig is nie, is Leah Shaanika van Namibië en Paul Threwela van Brittanje.
Die ondersoek, wat oor ‘n tydperk van ses maande in die vooruitsig gestel word, sal begin met die versameling dokumentêre voorleggings oor elke tydperk in ballingskap vanaf 1966 tot 1989 en die post-koloniale tydperk, insluitende die Caprivi-afstigting, tot op hede.
Hierdie proses sal waarskynlik ongeveer twee maande duur waarna die dokumentêre bewyse met mondelinge getuienis vergelyk sal word.
Die gesamentlike Komitee van Ouers en die Waarheid- en Geregtigheidskomitee, wat aan die spits van die inisiatief staan, sê die vordering van die ondersoek sal tweeweekliks gepubliseer word. Die publikasies sal as harde kopie en aanlyn te koop wees.
Die kommissie sal onder meer ondersoek instel na die dood en aanhouding van Namibiese vlugtelinge, beweringe oor martelings, gedwonge erkentenisse deur aangehoudenes, klagtes wat deur lede van die Swapo-jeugliga en PLAN-vegters in 1976 teen die Swapo-leierskap gemaak is, die betrokkenheid van buitelandse sendings en ander instansies, en die Johnny ya Otto Kommissie van Ondersoek se bevindinge.
“Hierdie proses sal ‘n reuse- politieke les nie net vir Afrika nie, maar vir die wêreld wees oor die gevare wat ‘n populêre front inhou,” het Beukes gister gesê.
Beukes het verduidelik dat verwagtinge verskil. Sy hoop wel dat die kommissie van ondersoek met omvattende bevindinge en aanbevelings, gegrond op konvensies van die Verenigde Nasies, vorendag sal kom.
Beukes sê vergoeding sal ‘n kernelelement van die ondersoek uitmaak, wat nie tot mediese en sielkundige behandeling van die slagoffers en hul families beperk is nie.
Kommentaar
Republikein
Geen kommentaar is op hierdie artikel gelaat nie