Ondersoek na oliebergingsaanleg begin

Estelle de Bruyn - Die ondersoek na die nasionale oliebergingsaanleg by Walvisbaai het begin en ondersoekbeamptes maak goeie vordering. So sê die minister van presidensiële aangeleenthede, mnr. Frans Kapofi, wat Donderdag vrae van die president van die DTA, mnr. McHenry Venaani, in die Nasionale Vergadering beantwoord het.Klagtes is reeds teen sekere staatsamptenare gemaak. Volgens Kapofi word verwag dat meer lig nog op die tekortkominge en onreëlmatighede met die implementering van die nasionale oliebergingsprojek gewerp sal word.Kapofi het daarop gewys dat Namibië 'n regstaat is en dat enige persoon onskuldig geag word totdat hy of sy aan 'n oortreding skuldig bevind word."Laat ek die feit beklemtoon dat pres. (Hage) Geingob die waardes van deursigtigheid en aanspreeklikheid die hoekstene van sy benadering tot staatsbestuur gemaak het omdat aanspreeklikheid en deursigtigheid gelykstaande aan vertroue is."Dit is belangrik dat die publiek se vertroue in die werk en die aktiwiteite van openbare instansies en staatsamptenare versterk word. Almal van ons as staatsamptenare moet na hierdie doelwit streef. Dit is die enigste manier waarop ons ons mense kan dien en ons land ontwikkel," het Kapofi gesê.

Ondersoek na oliebergingsaanleg begin

Kommentaar

Republikein 2025-11-05

Meld asseblief aan om kommentaar te lewer

Ondersoek na oliebergingsaanleg begin

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.