Ondersoek kom oor Trump se noodtoestand

Hofsake en ’n ondersoek deur die Amerikaanse Huis van Verteenwoordigers is die volgende hekkie waaroor pres. Donald Trump moet spring ná sy aankondiging Vrydag van ’n noodtoestand vir sy beplande muur.Die geregtelike komitee het Trump Saterdag versoek om verteenwoordigers van die Withuis en dié van die departement van justisie beskikbaar te stel om verhoor te word.Al die regsdokumente wat tot die besluit van ’n noodtoestand gelei het, moet ook voor aanstaande Vrydag voorsien word.“Ons glo jou afkondiging van ’n noodtoestand wys ’n roekelose verontagsaming van die skeiding in magte en jou eie verantwoordelikhede ingevolge ons konstitusionele stelsel,” het Jerrold Nadler, die voorsitter van die Demokraat-beheerde Huis, in ’n brief aan Trump geskryf.Nog ’n saak is namens drie grondeienaars ingedien wat aanvoer die noodtoestand is teenstrydig met die grondwet en dat dit hul eiendomsregte aantas.Trump het Vrydag die noodtoestand afgekondig en het gesê hy is bewus daarvan dat hy voor die hof gedaag sal word. Hy het ook ’n ooreenkoms tussen die Republikeine en Demokrate onderteken om nog ’n regeringstaking af te weer wat Saterdagoggend sou begin.“Ons sal ongelukkig deur die prosesse moet gaan, maar ons sal wen. Dink ek,” het hy gesê.Deur sekere staatsdepartemente te finansier kry die regering $1,375 miljard om die grens met Mexiko te versterk.Trump het op $5,7 miljard aangedring om te begin bou aan sy muur.Hy probeer nou om ingevolge die noodtoestand nog geld aan die projek toe te wys.“Ons moet die nasionale veiligheidskrisis op ons suidelike grens op die een of ander manier takel,” het hy gesê. – Reuters/Netwerk24

Ondersoek kom oor Trump se noodtoestand

Kommentaar

Republikein 2025-09-19

Meld asseblief aan om kommentaar te lewer

Ondersoek kom oor Trump se noodtoestand

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie