Onder jou Kersboom: Unieke boek oor Namibië

Ronelle RademeyerIn sy debuutwerk, Namibia Places, bied die Windhoekse argitek en kunstenaar Linus Malherbe sy belewenisse en ervaringe van sy geboorteland op unieke en intieme wyse aan.Dit bevat sy kunswerke van Namibië se beroemdste en mees ikoniese landmerke en word aangevul met sy jeug- en reisherinneringe, of toegelig met geskiedkundige foto's en inligting.Dit bevat ook inligting oor sy teorie oor die Wit Vrou-rotstekening van die Brandberg wat hy ná uitgebreide navorsing geformuleer het. Malherbe glo die Wit Vrou beeld nie 'n Boesman-toordokter of -sjamaan (geestelike leier) uit soos argeoloë bevind het nie, maar 'n Iberiese vrouekryger uit die 1100's wie se voorsate Vikings was. Hy illustreer dit baie oortuigend aan die hand van sketse.Malherbe, kleinseun van die Afrikaanse skrywer, digter en dramaturg DF Malherbe, sê hy glo kunstenaars word met 'n sesde sintuig gebore en beskik oor die natuurlike vermoë om fyn detail waar te neem en te onthou. Daarin sê hy, lê 'n swaar emosionele las opgesluit; een wat dikwels durende onrus skep.Namibia Places is veel meer as 'n toeristegids oor Namibië en sy argitektoniese en ander landmerke. Dit verbeeld die intieme leef- en herinneringslandskap van die kunstenaar en skrywer op eiesoortige wyse.Dit is nie net ideale leesstof vir die vakansie nie, maar 'n boek wat mense met 'n waardering vir die land se ryke erfenis in hul boekery moet hê.Dit is uitgegee deur Venture Publications. Die sagteband kos N$475 en die hardeband N$580. Besoek www.linusnamart.com vir meer inligting, of kontak Malherbe by linus.malherbe@gmail.com of 085 555 0255.

Onder jou Kersboom: Unieke boek oor Namibië

Kommentaar

Republikein 2026-05-05

Meld asseblief aan om kommentaar te lewer

Onder jou Kersboom: Unieke boek oor Namibië

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.