Omicron lei opnuut tot vragpyne
Vragverkeer tussen Namibië en Suid-Afrika word tans by die grenspos na Botswana vertraag.
Ronelle Rademeyer - Die uitvoerende hoof van die Walvisbaai-korridorgroep (WBCG), mnr. Hippy Tjivikua, sê hy hoop nie ’n opeenhoping van vragmotors by grensposte te midde van skerp stygings in Covid-19-gevalle in die streek gaan die lewering van kleinhandelprodukte in Kerstyd ontwrig nie.
Minstens 50 tot 80 lorries uit Namibië het gister in die niemandsland tussen die Buitepos- en Mamuno-grensposte gewag op negatiewe toetsuitslae om Botswana binne te gaan.
Mnr. Jacques van As van Red Dart Logistics op Walvisbaai sê hy en die drywers van sy ander vragmotors wag al van Vrydag af op die uitslag van hul Covid-19-toetse.
“Omdat dit Vrydag ’n vakansiedag was, kon ons nie op Gobabis toets nie en het deurgery grens toe om hier te toets, maar toe kom loop ons ons hier vas,” vertel hy.
“Die niemandsland staan gelykvol met lorries. Ek moes voor Buitepos stilhou en het toestemming gekry om te stap tot by Mamuno om daar getoets te word,” sê Van As.
Van As sê aangesien daar nie toetsgeriewe by Buitepos is nie, kry die lorriedrywers toestemming om tussen die twee grensposte te parkeer en te stap tot by die Botswana-gesondheidsowerheid se toetspunt om ’n Covid-19-toets te ondergaan.
“Ons weer nie hoe lank ons nog vir ons uitslae sal moet wag nie. Ons het gehoor dalk vanmiddag of vanaand (gister). . . Ons sal maar sien. Die son brand ons op,” sê hy.
Volgens Van As het van sy drywers verlede week soortgelyke frustrasies ervaar toe hulle Ariamsvlei om na Suid-Afrika gery het. “Hulle moes daar óók lank vir toetsuitslae wag,” sê hy.
Tjivikua het by navraag gesê hy het nog niks “konkreet” van die owerhede in die buurlande ontvang oor die opeenhoping van vragmotors en die lang wagtye vir toetsuitslae nie.
Hy sê hierdie frustrasies by grensposte word sedert die aanvang van die pandemie van tyd tot tyd ervaar en meen kommer oor die Omicron-variant skep opnuut probleme.
Suid-Afrika het tussen 28 November en 11 Desember 171 074 nuwe gevalle van Covid-19 aangemeld, Namibië 3 111 gevalle en Botswana 1 181 gevalle.
Tjivikua het die hoop uitgespreek dat vragverkeer tussen Namibië en Suid-Afrika nie op die vooraand van Kersfees aan lang vertragings by grensposte onderwerp sal wees nie. – [email protected]
Minstens 50 tot 80 lorries uit Namibië het gister in die niemandsland tussen die Buitepos- en Mamuno-grensposte gewag op negatiewe toetsuitslae om Botswana binne te gaan.
Mnr. Jacques van As van Red Dart Logistics op Walvisbaai sê hy en die drywers van sy ander vragmotors wag al van Vrydag af op die uitslag van hul Covid-19-toetse.
“Omdat dit Vrydag ’n vakansiedag was, kon ons nie op Gobabis toets nie en het deurgery grens toe om hier te toets, maar toe kom loop ons ons hier vas,” vertel hy.
“Die niemandsland staan gelykvol met lorries. Ek moes voor Buitepos stilhou en het toestemming gekry om te stap tot by Mamuno om daar getoets te word,” sê Van As.
Van As sê aangesien daar nie toetsgeriewe by Buitepos is nie, kry die lorriedrywers toestemming om tussen die twee grensposte te parkeer en te stap tot by die Botswana-gesondheidsowerheid se toetspunt om ’n Covid-19-toets te ondergaan.
“Ons weer nie hoe lank ons nog vir ons uitslae sal moet wag nie. Ons het gehoor dalk vanmiddag of vanaand (gister). . . Ons sal maar sien. Die son brand ons op,” sê hy.
Volgens Van As het van sy drywers verlede week soortgelyke frustrasies ervaar toe hulle Ariamsvlei om na Suid-Afrika gery het. “Hulle moes daar óók lank vir toetsuitslae wag,” sê hy.
Tjivikua het by navraag gesê hy het nog niks “konkreet” van die owerhede in die buurlande ontvang oor die opeenhoping van vragmotors en die lang wagtye vir toetsuitslae nie.
Hy sê hierdie frustrasies by grensposte word sedert die aanvang van die pandemie van tyd tot tyd ervaar en meen kommer oor die Omicron-variant skep opnuut probleme.
Suid-Afrika het tussen 28 November en 11 Desember 171 074 nuwe gevalle van Covid-19 aangemeld, Namibië 3 111 gevalle en Botswana 1 181 gevalle.
Tjivikua het die hoop uitgespreek dat vragverkeer tussen Namibië en Suid-Afrika nie op die vooraand van Kersfees aan lang vertragings by grensposte onderwerp sal wees nie. – [email protected]
Kommentaar
Republikein
Geen kommentaar is op hierdie artikel gelaat nie