Omgewingstrust hou Torra se strande skoon

Yandi du Plessis - 'n Skoonmaakveldtog is byna 'n halfeeu gelede op Torrabaai van stapel gestuur om dié gewilde bestemming vir vakansiegangers spiekeries te hou. Torrabaai lok al sedert 1957 vakansiegangers. Aanvanklik was dit ‘n uitspanplek vir boere van Kamanjab, Welwitschia (Khorixas) en Outjo. Deesdae is dit ‘n gewilde vakansiebestemming vir reisigers van oraloor Namibië en Suid-Afrika. Toegang word slegs deur ‘n permit van die ministerie van die omgewing en toerisme verkry.In 1969 het ‘n klein groep vrywilligers begin om Torrabaai se hengelgebied voor die vakansieseisoen op eie koste skoon te maak. Dít het intussen ‘n jaarlikse tradisie geword. Van die rommel word deur vakansiegangers gestrooi, maar die meeste rommel is van bote afkomstig. Namibia Environmental Action Trust (Neat), ‘n niewinsgewende organisasie, is in 2002 op die been gebring en word deur vrywilligers bedryf. Sedertdien vind die jaarlikse skoonmaakveldtog onder leiding van dié organisasie plaas. Sonder die ministerie van die omgewing en toerisme en Namibia Wildlife Resorts (NWR) sou dít nie moontlik wees nie. Neat verwelkom die verbod op plastieksakke in parke, wat onlangs geïmplementeer is, en hoop dit sal hul taak in die toekoms vergemaklik.

Omgewingstrust hou Torra se strande skoon

Kommentaar

Republikein 2025-06-18

Meld asseblief aan om kommentaar te lewer

Omgewingstrust hou Torra se strande skoon

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie