Ombudsman wil minister oor skaapskema spreek

Tussentydse bemarkingsreëling ingestel

04 September 2018 | Landbou
Ronelle Rademeyer - Die ombudsman, adv. John Walters, het 'n vergadering met die minister van landbou, water en bosbou, mnr. Alpheus !Naruseb, aangevra om die voorstelle in sy verslag oor die kleinveebemarkingskema te bespreek.

Die ombudsman het vroeër vanjaar 'n omvattende ondersoek na die skema gedoen om die impak daarvan op die ekonomiese welstand van die skaapbedryf sedert sy inwerking­treding op 1 Julie 2004 te bepaal.

Dit was nadat die Namibië Landbou-­unie (NLU) sy kantoor versoek het om die negatiewe uitwerking van die skema te ondersoek in die lig van die primêre produsent se reg op reg­verdige handelspraktyke soos dit in die Grondwet gewaarborg word.

Die aanbeveling in die verslag is dat die skema produsente erg benadeel het en afgeskaf moet word.

Daarin word na verskeie vorige ondersoeke en verslae van die afgelope jare gewys waarin die rampspoe­dige gevolge reeds breedvoerig uitgestippel is.

Terwyl die bedryf agteruitgegaan het, is geen ingrypende stappe egter van regeringskant gedoen om dit te verhoed nie.

Walters het gister by navraag gesê hoewel die minister reeds sy verslag onder oë gehad het, wil hy dit graag met hom bespreek.

“Dit is vir die ombudsman moeilik om aanbevelings af te dwing. Daarom wil ek dit met hom bespreek en sy gevoel daaroor kry,” sê hy.

Sedert die afhandeling van sy ­ondersoek en die voltooiing van die verslag sowat drie maande gelede, het Brukarros Meat Processors (BMP) buite Keetmanshoop ook ophou slag.

Dit beteken daar is nou net een skaapuitvoerabattoir wat nog slag en dit is Natural Namibian Meat Packers op Aranos, wat dit op 'n klein skaal doen.

Die Vleisraad van Namibië moes gevolglik die skema aanpas omdat produsente nie die geleentheid het om by plaaslike uitvoerabattoirs 'n kwota op te bou sodat hulle in Suid-Afrika kan bemark nie.

Die 1:10-maatreël van die skema vereis van 'n produsent om vir elke skaap wat hy lewend wil uitvoer na 'n abattoir in Suid-Afrika, een by 'n plaaslike uitvoerabattoir te laat slag.

Die tussentydse noodreëling, wat tot 15 November sal geld, behels dat hulle dieselfde hoeveelheid skape wat hulle die afgelope ses maand plaaslik laat slag het toe BMP nog in bedryf was, lewend kan uitvoer.

Intussen werk die Vleisraad, saam met die bedryf, aan 'n voorstel wat hopelik 'n einde aan die voortslepende bemarkingskrisis sal bring.

Soortgelyk

 

Ma, seun van Reho in hof ná tref-en-trap

4 ure gelede | Howe

Denver Kisting – ’n 45-jarige ma van Rehoboth verskyn na verwagting vandag saam met haar tienerseun in die landdroshof op dié dorp.Dít kom nadat die...

Hondelewe vir stropers

14 ure gelede | Ministeries

Francoise Steynberg op Waterberg - Pas ná die ministerie van die omgewing en toerisme met die opleiding van hul honde-eenheid teen stropery begin het, het...

NBC verdrink in skuld

14 ure gelede | Tegnologie

Augetto GraigDie voortslepende arbeidsgeskil by die nasionale uitsaaier (NBC) besorg mnr. Stanley Simataa, minister van inligting en kommunikasietegnologie, hoofbrekens, het hy gesê. “Die NBC verdrink...

PDM beraadslag oor grond

14 ure gelede | Politiek

Augetto Graig - Die nasionale uitvoerende komitee van die amptelike opposisieparty, die Popular Democratic Movement (PDM), het Vrydagaand in voorbereiding op die komende nasionale grondkonferensie...

Weer vir 14 September 2018

14 ure gelede | Weer

BINNELAND: Meestal sonnig en baie warm. KUS: Gedeeltelik bewolk en koud tot matig met miskolle in die oggend op plekke. GETYE BY...

Noodvoedselbank vir hospitale sonder kos

14 ure gelede | Gesondheid

Henriette Lamprecht – ‘n Noodvoedselbank is in die Erongostreek geskep as ‘n tydelike oplossing vir die voedseltekorte wat tans in alle staatshospitale in die streek...

Hoop vir die wilde perde

14 ure gelede | Omgewing

Die wilde perde by Garub in die Suide is ’n vulletjie ryker. Volgens ’n verklaring van die Namibië Wildeperdestigting is die vulletjie se trotse ouers...

Namibiërs trotseer Bolivia se pieke

14 ure gelede | Mense

Elvira Hattingh - Twee kleinneefs, mnre. Gerhard Jacobs en Harmen Potgieter, het onlangs uit Bolivia teruggekeer nadat hulle van die eerste Namibiërs geword het om...

Stop geweld in skole

14 ure gelede | Ministeries

Henriette Lamprecht – Voorvalle van geweld in skole en in Namibië is rede tot kommer, sê die minister van onderwys, kuns en kultuur.Me. Katrina Hanse-Himarwa...