Omaruru span saam
Die inwoners van Omaruru het besluit om hul voet neer te sit oor swak diens deur die munisipaliteit.
Des Erasmus - 'n Gemeenskapsaksie om die munisipaliteit tot orde te roep, kan teen die einde van die week vorm aanneem nadat die Inwonersvereniging van Omaruru met sy lede geraadpleeg het.
Voorstelle word reeds oorweeg om die munisipaliteit geldelik op sy knieë te dwing.
Die voorsitter van die inwonersvereniging, mnr. Piet Marais, en die ondervoorsitter, me. Gerda van Rensburg, het in 'n eksklusiewe onderhoud met Republikein gesê van 'n stadsraad word verwag om die dorp so te bestuur dat beleggers gelok word. Op Omaruru gebeur dit nie.
Hulle het beklemtoon dat die optrede deur die Inwonersvereniging op 'n gemeenskapsaksie gerig is en nie polities georiënteer is nie. Die Omarururivier was die afgelope reënseisoen 15 keer in vloed en dié lewensaar het van Omaruru eens 'n watergesonde dorp gemaak. Nogtans moes die dorp voor die reën 'n waterkrisis deurleef.
Die Inwonersvereniging se verset het ingetree nadat die opposisie in die stadsraad se verteenwoordiger in die bestuurskomitee (BK), me. Thelma van Rhyn van die United Democratic Front (UDF), uit die BK bedank het. Sy bly aan as stadsraadslid. Die Inwonersvereniging het in die verkiesing van plaaslike owerhede samewerking aan die UDF gegee. Die twee leiersfigure van die Inwonersvereniging vertolk haar bedanking uit die BK as verset teen besluite wat op bestuursvlak geneem word, maar wat sy nie kan onderskryf nie. As gewone raadslid het Van Rhyn nou 'n geleentheid om vir gesonde bestuur in die bres te tree.
KRITIEK
Munisipale bestuur word op verskeie gebiede gekritiseer. Beweringe is dat ongesuiwerde rioolwater in die bedding van die Omarururivier stroom, rioolwater op plekke in die strate opdam, sypaadjies in die hoofdorp onversorgde grond bly terwyl plaveisel langs die strate van die tradisionele Ozondjebuurt aangebring word, en dat die dorp vuil bly ná dit enkele jare gelede nog as die skoonste dorp in Namibië bestempel is. Hoog op die Inwonersvereniging se agenda is die beweerde vergrype aan reis- en verblyftoelae op munisipale vlak. Finansiële bestuur in die algemeen is ook onder skoot.
Een van die eerste opsies wat deur die Inwonersvereniging oorweeg word, is vir inwoners om net die basiese tariewe vir munisipale dienste te betaal. Sodoende kan verhoed word dat toevoer gestaak word. Die basiese tariewe beloop volgens die Inwonersvereniging sowat 35 % van die gelde wat inwoners maandeliks aan die munisipaliteit moet betaal. Die oorblywende 65 % kan dan in 'n trustrekening oorbetaal word vir vereffening van die munisipale rekeninge die dag wanneer 'n doeltreffende diens gelewer word.
Marais bevraagteken ook die bevoegdheid van sekere raadslede.
Marais en Van Rensburg beklemtoon dat die Inwonersvereniging korrek gaan optree.
Daarom is regsmening reeds ingewin en sal selfs op 'n nog hoër vlak geskakel word.
'n Lys van vrae is reeds aan die goewerneur van die Erongostreek gestuur. Ontvangs daarvan is deur die goewerneurskantoor erken. “Ons wag nou op die goewerneur se antwoorde.”
Voorstelle word reeds oorweeg om die munisipaliteit geldelik op sy knieë te dwing.
Die voorsitter van die inwonersvereniging, mnr. Piet Marais, en die ondervoorsitter, me. Gerda van Rensburg, het in 'n eksklusiewe onderhoud met Republikein gesê van 'n stadsraad word verwag om die dorp so te bestuur dat beleggers gelok word. Op Omaruru gebeur dit nie.
Hulle het beklemtoon dat die optrede deur die Inwonersvereniging op 'n gemeenskapsaksie gerig is en nie polities georiënteer is nie. Die Omarururivier was die afgelope reënseisoen 15 keer in vloed en dié lewensaar het van Omaruru eens 'n watergesonde dorp gemaak. Nogtans moes die dorp voor die reën 'n waterkrisis deurleef.
Die Inwonersvereniging se verset het ingetree nadat die opposisie in die stadsraad se verteenwoordiger in die bestuurskomitee (BK), me. Thelma van Rhyn van die United Democratic Front (UDF), uit die BK bedank het. Sy bly aan as stadsraadslid. Die Inwonersvereniging het in die verkiesing van plaaslike owerhede samewerking aan die UDF gegee. Die twee leiersfigure van die Inwonersvereniging vertolk haar bedanking uit die BK as verset teen besluite wat op bestuursvlak geneem word, maar wat sy nie kan onderskryf nie. As gewone raadslid het Van Rhyn nou 'n geleentheid om vir gesonde bestuur in die bres te tree.
KRITIEK
Munisipale bestuur word op verskeie gebiede gekritiseer. Beweringe is dat ongesuiwerde rioolwater in die bedding van die Omarururivier stroom, rioolwater op plekke in die strate opdam, sypaadjies in die hoofdorp onversorgde grond bly terwyl plaveisel langs die strate van die tradisionele Ozondjebuurt aangebring word, en dat die dorp vuil bly ná dit enkele jare gelede nog as die skoonste dorp in Namibië bestempel is. Hoog op die Inwonersvereniging se agenda is die beweerde vergrype aan reis- en verblyftoelae op munisipale vlak. Finansiële bestuur in die algemeen is ook onder skoot.
Een van die eerste opsies wat deur die Inwonersvereniging oorweeg word, is vir inwoners om net die basiese tariewe vir munisipale dienste te betaal. Sodoende kan verhoed word dat toevoer gestaak word. Die basiese tariewe beloop volgens die Inwonersvereniging sowat 35 % van die gelde wat inwoners maandeliks aan die munisipaliteit moet betaal. Die oorblywende 65 % kan dan in 'n trustrekening oorbetaal word vir vereffening van die munisipale rekeninge die dag wanneer 'n doeltreffende diens gelewer word.
Marais bevraagteken ook die bevoegdheid van sekere raadslede.
Marais en Van Rensburg beklemtoon dat die Inwonersvereniging korrek gaan optree.
Daarom is regsmening reeds ingewin en sal selfs op 'n nog hoër vlak geskakel word.
'n Lys van vrae is reeds aan die goewerneur van die Erongostreek gestuur. Ontvangs daarvan is deur die goewerneurskantoor erken. “Ons wag nou op die goewerneur se antwoorde.”
Kommentaar
Republikein
Geen kommentaar is op hierdie artikel gelaat nie