Omaruru sluit by Have-a-Heart aan
Baie van die troeteldiereienaars gee vir hul diere om, maar kan nie sterilisasies of TVT-behandeling bekostig nie.
Tanja Bause - Omaruru is die nuutste dorp om deel van Have-a-Heart Namibia te word sodat dierevriende van dié dorp se informele nedersetting ook gesteriliseer en gekastreer kan word.
Omaruru sluit by Otjiwarongo, Hentiesbaai, Windhoek, Keetmanshoop, Grootfontein, Karibib, Usakos, Walvisbaai en Rundu aan, waar Have-a-Heart-spanne ook ontplooi is.
Die Have-a-Heart Namibia-span reël fondsinsamelings vir Swakopmund, Lüderitz, Aus, Bethanie, Outjo, Mariental, Okahandja en verskeie kleiner nedersettings en dorpies waar hulle sterilisasie-veldtogte hou.
Volgens me. Birgit Dorrenbächer, stigter van die Omaruru-tak, het sy en haar man, Peter, in 2015 op Omaruru afgetree en besef iets moet gedoen word oor die getal ongewenste honde by die Ozondje- en ander informele nedersettings.
“Ons het in die sosiale media van die Have-a-Heart-stigting gelees en van die belangrike en goeie werk wat hulle doen, en besluit ons wil deel van hierdie suksesverhaal wees. Ons het die bal aan die rol gesit en in Februarie het ons Have-a-Heart Omaruru begin,” sê sy.
“Baie van die troeteldiereienaars gee vir hul diere om, maar kan net nie sterilisasies of TVT-behandeling bekostig nie. TVT is ’n oordraagbare geslagsieke wat gewasse aan honde se uitwendige geslagsdele veroorsaak en tydens paring oorgedra word. Dit is hoogs aansteeklik en gevolge is fataal as dit nie behandel word nie.”
Volgens Dorrenbächer is baie troeteldiereienaars in nedersettings pensioenarisse of werkloos, en geld wat hulle wel tot hul beskikking het, word aan kos vir die familie bestee, en die sterilisasie van ’n troeteldier word as ’n luukse beskou.
“Ons het Have a Heart Namibia genader en hulle het ons gehelp om Have a Heart Omaruru op die been te bring. Ons staatsveearts, dr. Estelle Oosthuysen, en dr. Lizelle de Waal, ’n privaat veearts op Omaruru, help met prosedures en behandelings. In Maart het ’n finalejaar- veeartsenystudent, me. Mona Lisa Christiaan, ook by die span aangesluit.”
Peter en Christiaan het die gemeenskap van Ozondje besoek om hulle van Have-a-Heart en die gratis sterilisasies en TVT-behandeling in te lig.
“Dit was ’n reusesukses en die lys met honde wat gesteriliseer moet word, word weekliks langer. Elke tak van Have-a-Heart moet hul eie fondsinsamelings hou, maar om die Omaruru-tak aan die gang te kry, het Have-a-Heart Namibia die sterilisasie van drie honde geborg. Deur twee privaat borge kon ons nóg twee honde steriliseer en vier vir TVT behandel.”
Volgens Dorrenbächer kan ’n verskil reeds gesien word in die honde wat behandeling kry – hulle tel gewig op, bestaande gewasse krimp en bloeding stop.
“Die eienaar van ’n hond met die naam Meisie het gesê sy is baie dankbaar dat daar nou nie meer klein hondjies gebore sal word nie.
“Omdat elke tak hul eie fondsinsamelings moet reël, het ons besluit om ’n fietswedren op ’n plaas in die Dassie- en Erongoberge net buite Omaruru te hou.”
Die wedren sal op 29 Junie ten tyde van die Omaruru Schlachtefest plaasvind.
Elke span sal uit vier fietsryers bestaan wat inskrywingsfooie betaal.
Hulle sal ook elk ’n skenkingsvorm ontvang om geld vir Have-a-Heart Omaruru te kan insamel.
“Omaruru is ’n klein dorpie met min fondsinsamelingsgeleenthede, dus word elke sent waardeer,” sê Dorrenbächer.
Vir meer inligting oor skenkings of die fietswedren, kontak Brigit by 081 202 7790, of Peter by 081 129 0753, of stuur ’n e-pos aan [email protected].
Omaruru sluit by Otjiwarongo, Hentiesbaai, Windhoek, Keetmanshoop, Grootfontein, Karibib, Usakos, Walvisbaai en Rundu aan, waar Have-a-Heart-spanne ook ontplooi is.
Die Have-a-Heart Namibia-span reël fondsinsamelings vir Swakopmund, Lüderitz, Aus, Bethanie, Outjo, Mariental, Okahandja en verskeie kleiner nedersettings en dorpies waar hulle sterilisasie-veldtogte hou.
Volgens me. Birgit Dorrenbächer, stigter van die Omaruru-tak, het sy en haar man, Peter, in 2015 op Omaruru afgetree en besef iets moet gedoen word oor die getal ongewenste honde by die Ozondje- en ander informele nedersettings.
“Ons het in die sosiale media van die Have-a-Heart-stigting gelees en van die belangrike en goeie werk wat hulle doen, en besluit ons wil deel van hierdie suksesverhaal wees. Ons het die bal aan die rol gesit en in Februarie het ons Have-a-Heart Omaruru begin,” sê sy.
“Baie van die troeteldiereienaars gee vir hul diere om, maar kan net nie sterilisasies of TVT-behandeling bekostig nie. TVT is ’n oordraagbare geslagsieke wat gewasse aan honde se uitwendige geslagsdele veroorsaak en tydens paring oorgedra word. Dit is hoogs aansteeklik en gevolge is fataal as dit nie behandel word nie.”
Volgens Dorrenbächer is baie troeteldiereienaars in nedersettings pensioenarisse of werkloos, en geld wat hulle wel tot hul beskikking het, word aan kos vir die familie bestee, en die sterilisasie van ’n troeteldier word as ’n luukse beskou.
“Ons het Have a Heart Namibia genader en hulle het ons gehelp om Have a Heart Omaruru op die been te bring. Ons staatsveearts, dr. Estelle Oosthuysen, en dr. Lizelle de Waal, ’n privaat veearts op Omaruru, help met prosedures en behandelings. In Maart het ’n finalejaar- veeartsenystudent, me. Mona Lisa Christiaan, ook by die span aangesluit.”
Peter en Christiaan het die gemeenskap van Ozondje besoek om hulle van Have-a-Heart en die gratis sterilisasies en TVT-behandeling in te lig.
“Dit was ’n reusesukses en die lys met honde wat gesteriliseer moet word, word weekliks langer. Elke tak van Have-a-Heart moet hul eie fondsinsamelings hou, maar om die Omaruru-tak aan die gang te kry, het Have-a-Heart Namibia die sterilisasie van drie honde geborg. Deur twee privaat borge kon ons nóg twee honde steriliseer en vier vir TVT behandel.”
Volgens Dorrenbächer kan ’n verskil reeds gesien word in die honde wat behandeling kry – hulle tel gewig op, bestaande gewasse krimp en bloeding stop.
“Die eienaar van ’n hond met die naam Meisie het gesê sy is baie dankbaar dat daar nou nie meer klein hondjies gebore sal word nie.
“Omdat elke tak hul eie fondsinsamelings moet reël, het ons besluit om ’n fietswedren op ’n plaas in die Dassie- en Erongoberge net buite Omaruru te hou.”
Die wedren sal op 29 Junie ten tyde van die Omaruru Schlachtefest plaasvind.
Elke span sal uit vier fietsryers bestaan wat inskrywingsfooie betaal.
Hulle sal ook elk ’n skenkingsvorm ontvang om geld vir Have-a-Heart Omaruru te kan insamel.
“Omaruru is ’n klein dorpie met min fondsinsamelingsgeleenthede, dus word elke sent waardeer,” sê Dorrenbächer.
Vir meer inligting oor skenkings of die fietswedren, kontak Brigit by 081 202 7790, of Peter by 081 129 0753, of stuur ’n e-pos aan [email protected].
Kommentaar
Republikein
Geen kommentaar is op hierdie artikel gelaat nie