Olieprys onder groot druk weens coronavirus

Hanlie Stadler en Bloomberg – Oliepryse – wat Maandag die laagste vlakke in ’n jaar getref het – het Dinsdag effens gestyg terwyl die Organisasie vir Petroleumuitvoerlande (Opul) en sy bondgenote vergader het.Opul se 13 lidlande en ander groot olieprodusente, onder meer Rusland, hou op die oomblik ’n vergadering om die invloed van die 2019-nCoV-virus op die oliemark te bespreek.Die uiteinde van die vergadering sal bepaal of ’n noodvergadering later in Februarie gehou word om nuwe produksieperke in te stel ten einde die olieprys te ondersteun. Dit sal vroeër wees as die reeds geskeduleerde vergadering in Maart.Een afgevaardigde het aan Bloomberg gesê die slegste moontlike scenario is dat die virus die vraag na olie met 200 000 vate per dag verminder.Die virus het reeds meegebring dat China 20% minder olie nodig het, met hele stede wat in kwarantyn geplaas word en fabrieke wat hul deure sluit. Nagenoeg 21 000 gevalle van die coronavirus is bevestig en 427 mense is reeds dood.Wêreldhandel word deur die virus ontwrig. Hyundai het produksie in Suid-Korea opgeskort omdat hy sekere onderdele nie van China kan ontvang nie.China se grootste raffinadery probeer tans miljoene vate ruolie wat hy nie meer nodig het nie, verkoop.BP se finansiële hoof, Brian Gilvary, sê die krisis kan die groei in wêreldwye vraag na olie met ’n derde verminder.Brent-ruolie het Dinsdag selfs tot $55,65 gehaal nadat dit Maandag tot net $53,95, die laagste in ’n jaar, geval het.Die goedkoper olie sal in Maart goeie nuus vir Suid-Afrikaanse motoriste kan meebring, maar dit word teengewerk deur die swakker rand van by die R14,80 teenoor die dollar.Vanaf Vrydag – die begin van die oorsigmaand vir Maart se brandstofpryse – tot Maandag was daar reeds ’n oorverhaling van 33c per liter op die prys van 95-oktaan-petrol en van 63c per liter op die dieselprys. Dis egter veels te vroeg om te begin wed op ’n laer brandstofprys in Maart – baie water kan nog oor die volgende vier weke in die see vloei.Daarby is Maart ook die maand waarin die regering die algemene brandstofheffing en die Padongelukkefondsheffing verhoog.Intussen daal die petrolprys wel om middernag met 13c per liter en diesel met 5c per liter wanneer Februarie se pryse in werking tree. – Netwerk24

Olieprys onder groot druk weens coronavirus

Kommentaar

Republikein 2026-05-05

Meld asseblief aan om kommentaar te lewer

Olieprys onder groot druk weens coronavirus

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.