Old Mutual wys ­NamJams-wenners aan

Lede van die musiekgroep Antifreeze van die Sekondêre Skool Chairman Mao Zedong in Windhoek is onlangs as die wenners van Old Mutual se jaarlikse NamJams aangewys.
Die drie musiekgroepe wat die meeste stemme van lede van die publiek ontvang het, het die geleentheid gehad om by die Warehouse-teater in Windhoek die gehoor en beoordelaars met hul musiektalent te beïndruk.
As wenner het Antifreeze­ met N$30 000 die aand weggestap. Rythm & Soul van die Sekondêre Skool Jan Mohr in Windhoek het N$21 000 se prysgeld vir hul tweede plek ontvang en The Conquerors van Canisianum Rooms-Katolieke Hoër­skool op Otavi het N$9 000 ontvang.
Prysgeld word in derdes verdeel waarvan ’n derde aan lede van die groep gaan, ’n derde aan hul skool en ’n derde aan ’n liefdadigheidsorganisasie van hul keuse oorbetaal word.