Old Mutual ondersteun stryd teen Covid-19

Old Mutual het die finale been van sy beloofde N$5 miljoen aan die Nasionale Rampfonds oorhandig en wel N$1,3 miljoen vir die betaling van toelaes vir tydelike gesondheidslui wat deur die regering aangestel is in die stryd teen Covid-19-pandemie ingespan is.
Deel van die beloofde N$5 miljoen was N$1 miljoen wat gebruik is vir die verskafffing van kos aan weerlose mense in die land. Met 'n bykomende N$1,5 miljoen is kos aan 3 017 weerlose mense in al 14 streke van die land verskaf.

N$2,7 miljoen is gebruik om kapasiteit vir toetsing van Covid-19 te verhoog, terwyl N$1,7 miljoen vir toerusting vir toetsing aan te koop. Die masjiene en toetsstelle is teen N$1,7 miljoen aangekoop en in April aan die Nasionale Instituut vir Patologie (NIP) oorhandig. N$1 miljoen is gebruik om kapasiteit te verhoog vir die opspoor van mense wat aan Covid-19-positiewe mense blootgestel is. Vir laasgenoemde is 35 Dell-skootrekenaars en 37 Samsung-tablette aan die ministerie van gesondheid en maatskaplike dienste in Junie vanjaar oorhandig.

FOTO: MNr. I-Ben Nashandi, uitvoerende direkteur in die eerste minister se kantoor saam met mnr. Ndangi Katoma (regs), bestuurder van bemarking, kommunikasie en kliëntestrategie by Old Mutual.