Old Boys raap bekerfinaal op

Tielman van Lill – Die krieketklub Centre for Cricket Development (CCD Tigers) in Pionierspark se suksesvolle sesman-toernooi die naweek kan aan 'n paar faktore gemeet word.Gewillige borge, entoesiastiese spelers en krieketklubs het vanaf Vrydagnamiddag tot gistermiddag vir opwindende spel, reuse-sesse en verrassende boulwerk gesorg. Die laat onttrekking van Samsung FNB Wanderers het die toernooi van etlike potensiële sterre ontneem, met verskillende uiteenlopende redes wat gedurende die naweek vir die buurklub se afwesigheid gehoor is.Nogtans het van Namibië se senior nasionale kriekethelde soos Stephen Baard, Nicol Loftie-Eaton en Ben Shikongo het Tigers 1 verteenwoordig, terwyl Zane Green, Gerhard Erasmus, Craig Williams, Mauritius Ngupita en Ruben Trumpelman (almal in WHS Old Boys se eerste span) saam met spelers van United-krieketklub se eerste en tweede spanne, CCD Tigers II, Zebras I en II vir aanskoulike houespel op 'n vriendskaplike grondslag gelewer het.Die blitstoernooi se formaat was só opgestel dat vyf lopies van 'n span se kolftotaal afgetrek is vir elke paaltjie wat hy verloor.Die rondomtalieronde het Vrydag met twee wedstryde tussen Tigers I en WHS Old Boys II, asook United I teen Zebras 2 afgeskop. Tigers het die openingswedstryd gemaklik ingepalm en met 77 lopies vir die verlies van 1 paaltjie om die voortou op die punteleer in te neem. Old Boys II kon slegs 44/3 op die telbord plaas.United 1 en Zebras 1 se botsing verloop ietwat meer gelykop, maar United I met 57/2 wen steeds die kragmeting teen sy opponente wat slegs 33/3 kan behaal.Saterdag se groepuitslae:WHS Old Boys I (69/2) klop United II (31/4).Zebras I (70/4) klop Tigers II (47/0).Tigers I (69/2) klop United I (39/0).Zebras I (72/0) klop United II (45/3).WHS Old Boys II (66/1) klop Zebras II (34/1).WHS Old Boys II (78/1) klop Tigers II (44/1).Tigers I (76/1) klop Zebras II (50/0).Tigers II (76/1) klop United II (56/1).United I (70/0) klop WHS Old Boys II (61/2).WHS Old Boys II (77/1) klop United II (31/2).Die laaste groepwedstryde is gisteroggend afgehandel.WHS Old Boys I (84/0) klop Zebras I (33/6).Zebras I (51/3) klop Zebras II (47/1).Tigers I (67/1) klop Tigers II (43/1).WHS Old Boys I (81/1) klop United I (30/3).Houtlepelfinaal: Zebras II (82/0) klop United II (42/2).Bowl-finaal: WHS Old Boys II (60/0) klop Zebras I (52/2).Plaatfinaal: United I (49/0) klop Tigers II (33/6).Bekerfinaal: WHS Old Boys I (74/1) klop CCD Tigers I (58/3). Die agt spanne se eindposisies: WHS Old Boys I, CCD Tigers I, United I, CCD Tigers II, WHS Old Boys II, Zebras I, Zebras II, United II.Zane Green, die nasionale paaltjiewagter van Old Boys, het 'n paar weke gelede met sy klub se toernooi by Vegkop-stadion die boulaanvalle aan flarde geslaan. Die naweek is nie anders nie en Green is opnuut as beste kolwer van die toernooi aangewys. Mohammed Saleen van die Zebras is as beste bouler beloon, terwyl Old Boys se linkerarm-blitsbouler Ruben Trumpelmann die prys as beste veelsydige krieketspeler opgeraap het.Borge wat CCD Tigers se sesmantoernooi moontlik gemaak het, was Caremarque Pharma, Eco Hygiene, KTM Wüste, Llama Studios en MFG Design.

Old Boys raap bekerfinaal op

Kommentaar

Republikein 2026-02-03

Meld asseblief aan om kommentaar te lewer

Old Boys raap bekerfinaal op

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.