Old Boys is die nuwe premierligakonings

Tielman van Lill - WHS Old Boys het Saterdag by Wanderers in Pionierspark die gasheerspan met ses paaltjies in Krieket Namibië se 50-beurtfinaal oorrompel om as die eendagpremierligawenners vir die 2019-’20-seisoen gekroon te word.Old Boys wat ‘n makkerige 170/10 van Wanderers in 43.4 boulbeurte vir ‘n sege moes jaag, het dit in die 34.2 boulbeurte vermag toe Zane Green, die paaltjiewagter van Old Boys, ‘n vier asook ‘n ses gemoker het om met 103* (111 aflewerings, 12x4, 1x6) sy span se kolfbeurt met 172/4 af te rond.Die besoekers wat die loot gewen het, het Samsung FNB Wanderers ingestuur om eerste te kolf. Die buiteveld was stadig en die kolfblad vogtig wat deeglik deur die besoekers benut is.Die kampioenspan van laas seisoen het stadig lopies teen 3.89 lopies per boulbeurt aangeteken en slaag slegs met 13 viere en drie sesse. Inteenstelling jaag Old Boys 18 aflewerings na die grenstou en slaan een ses.Die geluksgodin het die gasheer bly ontwyk. Die openingspaar Wessel Myburgh (6 lopies van 12 balle) en Ewald Steenkamp (1 van 3) is gou deur die paaltjiewagter JP Kotzé en JC Balt op nommer drie en vier vervang wat die pot aan die kook moes hou.Kotzé met 41 lopies (60 balle, 2x4, 1x6) teken sy span se hoogste telling aan. Balt (26, 53 b, 2x4, 1x6) word Old Boys se vierde slagoffer. Kotzé wat uitstekend onder omstadighede gevaar het volg 22 lopies later in Balt se spore na die kleedkamer.Karl Birkenstock (4, 10 b, 1x4), naatbouler van Wanderers op nommer vyf, en Michau du Preez (17, 27 b, 2x4) op ses sukkel teen die Old Boys-boulaanval wat ‘n goeie lyn en lengte gehandhaaf het.Die ervare kaptein van Wanderers, Nicolaas Scholtz op nommer sewe, was ongelukkig sy span se laaste hoop. Sy 31 (3x4) is sy span se tweede hoogste telling wat hy van 55 aflewerings behaal.Ná Du Preez se vertrek wie saam met Scholtz gekolf het, bly die kaptein moedig vir lopies veg. Sy ondersteuning van Bernard Scholtz (7, 15 b, 1x4), Jais de Villiers (11, 8 b, 1x6), Stephan Jordaan (1, 4 b) en Herchelle van Schalkwyk (4*, 17 b, 1x4) is egter van korte duur.Scholtz word Old Boys se laaste slagoffer toe hy hom met ‘n aflewering van Divan la Cock, draaibalbouler van Old Boys, misgis en Tangeni Lungameni hom op regby uitvang. Val van paaltjies1. E. Steenkamp 1/5, 2. W. Myburgh 2/10, 3. JC Balt 3/71, 4. K. Birkenstock 4/85, 5. JP Kotze 5/93, 6. M. du Preez 6/124, 7. B. Scholtz 7/133, 8. J. de Villiers 8/148, 9. S. Jordaan 9/149, 10. N. Scholtz 10/170.Boulsyfers van Old BoysCraig Williams met 4/24 in nege boulbeurte is sy span se voorste paaltjievraat en die topbouler van die dag. Hy hardloop die gevaarlike Myburgh uit en raak van Kotzé (vang Wimpie Viljoen), Balt en Birkenstock ontslae wat beide deur Green uitgevang word.La Cock (2/5 in 1.4) wys sy staal as nasionale o.19-speler toe hy Du Preez skoonboul en N. Scholtz laat uitvang. Vernon Cloete (2/31 in 8) vind die paaltjies van B. Scholtz (stonk Green) en De Villiers (vang Gerhard Erasmus). Lungameni (1/30 in 8, boul Steenkamp) lewer die eerste bydrae in die wedstryd vir Old Boys.Kolfwerk van Old BoysAs dit nie vir Green se bydrae van 103 lopies (nie uit nie) was nie, kon dié uitslag heel moontlik anders gelyk het. Hy is ook as topkolwer van die dag aangewys. Viljoen (4, 3 b, 1x4, vang N. Scholtz, boul Jordaan) open saam met Green die beurt. G. Erasmus (15, 27 b, 2x4, been voor paaltjie B. Scholtz), C. Williams (25, 46 b, 2x4, vang B. Scholtz, boul Myburgh), La Cock (1, 3 b, vang Kotzé, boul Birkenstock) en Malan Kruger (8*, 17 b, 1x4) dra die res van die lopies by wat deur 16 bylopies gekomplimenteer word. Val van paaltjies 1. W. Viljoen 1/12, 2. G. Erasmus 2/61, 3 C. Williams 3/144, 4. D. la Cock 4/146. BoulsyfersJordaan (1/11 in 1) word in sy enigste boulbeurt hard gestraf. B. Scholtz (1/21 in 10) is Wanderers se mees ekonomiese bouler. Hy en Birkenstock (1/47 in 10) is die enigste boulers wat elkeen tien boulbeurte afstuur. - tielman@republikein.com.na

Old Boys is die nuwe premierligakonings

Kommentaar

Republikein 2025-12-18

Meld asseblief aan om kommentaar te lewer

Old Boys is die nuwe premierligakonings

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.