Oefen tot jy dit perfek doen, sê Helalia

Namibië se marathon-koningin en Statebondspele-kampioen van 2018, Helalia Johannes, het marathon-hardlopers en voornemende padatlete aangemoedig om in te skryf vir die komende MTC Dr. Sam Nujoma halfmarathon wat op Sondag 12 Mei voorlê.Johannes, wat oor die jare dikwels op die podium in die marathon-afstand was, se raad aan mede-padatlete is om die geleentheid aan te gryp om hul vorige beste vertoning te verbeter.“Ek het oor die jare beter geword, omdat ek baie oefen. Ek het in vele byeenkomste soos hierdie deelgeneem en dit is wat my hardloopwerk verbeter het,” het Namibië se eerste wenner van 'n goue medalje in die marathon by die Statebondspele gesê.Die telekommunikasiereus MTC se belegging in die jaarlikse wedloop beloop N$194 717, beide in kontantwaarde en op ander maniere. Die prysgeld wissel van N$10 000 vir die wenners (mans en vroue), tot N$1 000 vir diegene in die sesde posisie.Johannes het uitgewys dat die wennersgeld nie net 'n hupstoot vir die uitblinkers is nie, maar dat al die deelnemers ook die voordele van 'n gesonde leefstyl kan geniet.“Met prysgeld kan jy sportuitrusting vir jouself koop en kos vir jou familie. Maar afgesien van die kompeterende aspek, behoort atlete te registreer vir deelname sodat hulle fiks en gesond kan bly,” sê sy.“My sukses in sport het met die tyd ontwikkel en dis hoe dit in die marathon gaan. As jy toegewyd is en aktief bly, al jy uiteindelik al die aspekte perfek doen en eendag aan die wenkant wees.”Johannes het die vrouewedloop in 2017 gewen, met Kefas Kondjashili as die manswenner.TERUG IN AKSIENadat verlede jaar oorgeslaan is, is die 2019 MTC Dr. Sam Nujoma halfmarathon in Windhoek in samewerking met Atletiek Namibië en die Namibiese Sportkommissie verlede week bekendgestel.Die wegspringplek sal om seweuur die Sondagoggend by Ausspannplatz wees. Registrasie bly oop tot Woensdag 8 Mei.Atlete word aangemoedig om aanlyn by www.eventstoday.com.na te registreer. Meer inligting oor die wedloop sal ook op die webblad www.athletics-namibia.com.na verskaf word.MTC se bestuurder vir korporatiewe aangeleenthede, mnr. John Ekongo, sê die halfmarathon is 'n geleentheid ter verering van die land se stigterspresident dr. Sam Nujoma, wat vanjaar 90 jaar oud word.Die langafstand is 'n platform wat vir beide Namibiërs en besoekende atlete uit die buiteland oop is. Vir sommiges dien dit ter voorbereiding op ander internasionale marathonne.“Soos in die verlede, is hierdie aanbieding deel van MTC se korporatiewe maatskaplike verantwoordelikheid en ons is trots om hiermee verbind te wees,” sê Ekongo.Ekongo sê MTC bly toegewyd tot die ontwikkeling van Namibiese sport. “Hierdie halfmarathon is 'n belangrike platform vir atlete om mee te ding en hul eie grense te toets – en terselfdertyd gedenk ons die stigterspresident, dr. Sam Nujoma.”Atletiek Namibië moedig alle energieke, gesondheidsbewuste en jonk van gees hardlopers aan om hul inskrywings vroegtydig af te handel, asook vir meer borge oom aan boord te kom.Afgesien van die hoofafstand oor 21.1 kilometer, kan atlete ook vir die 10 km of 5 km inskryf en opwindende pryse wen indien hulle vir die podium kwalifiseer.

Oefen tot jy dit perfek doen, sê Helalia

Kommentaar

Republikein 2025-12-17

Meld asseblief aan om kommentaar te lewer

Oefen tot jy dit perfek doen, sê Helalia

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.