Obama sál gedenklesing vir Mandela kom lewer

Jana Marx en Christina Pit - Barack Obama, voormalige president van Amerika, sal op 17 Julie steeds die 16de Nelson Mandela-gedenklesing lewer.Die Nelson Mandela-stigting organiseer dié jaarlikse geleentheid wat vanjaar saamval met die vieringe van wat Mandela se 100ste verjaardag sou wees.Berigte dat bepaalde aktivistegroepe en mense in die land gekant is teen Obama se optrede by dié geleentheid sal nie dié lesing van die Amerikaanse staatsman in die wiele ry nie.Lunga Nene, woordvoerder van die Nelson Mandela-stigting, het bevestig dat hulle al gereageer het op ’n aantal briewe van teenkanting, maar het bygevoeg dat daar geen sprake is dat Obama nie meer sy toespraak sal kom lewer nie.Die lesing word by die Wanderers-stadion in Illovo, Johannesburg, aangebied met die samewerking van die Motsepe-stigting.Die geleentheid vind plaas ’n dag voor Nelson Mandela-dag wat op 18 Julie gevier word. Sowat 4 000 mense word daar verwag.“Mandela het vir die grootste deel van sy lewe vir demokrasie en gelykheid geveg. Sy presidentskap is geken deur sy toewyding om die brose demokrasie van Suid-Afrika stabiel te maak,” lui ’n gedeelte uit die stigting se verklaring.Dié jaarlikse lesing is ’n platform vir debatte oor ernstige maatskaplike kwessies in Suid-Afrika en die wêreld.Vorige sprekers sluit in oudpres. Bill Clinton van Amerika, oudpres. Thabo Mbeki, Ellen Johnson Sirleaf, oudpresident van Liberië, Mary Robinson, oudpresident van Ierland, en Michelle Bachelet, oudpresident van Chili.News24 het berig Feroze Boda, woordvoerder van CAGE Africa, ’n organisasie wat teen die onreg van oorlog veg, glo Obama se beginsels is strydig met dié van Mandela.“Daar is bewyse dat Obama en sy ondersteuners ’n nuwe soort kolonialisme geskep het in die naam van die “oorlog teen terreur”. Dit het vrees by veral Moslemgemeenskappe inboesem,” het Boda gesê.“Die Amerikaanse buitelandse beleid het verdeeldheid en lyding agtergelaat en het gelei tot ’n toename in gewelddadige groepe.”Naazim Adam, woordvoerder van die Palestine Solidarity Alliance, sê die besluit om Obama te nooi, is teleurstellend.Hy verwys na die “duisende” mense wat onder Obama se presidentskap hul lewe verloor het in Somalië, Pakistan, Afghanistan en Sirië .“Waarom laat die Nelson Mandela-stigting toe dat Obama geassosieer word met die nalatenskap van Mandela se jare van aktivisme, tronkstraf en die struggle teen apartheid,” het Adam gevra.Prof. Njabulo Ndebele, voorsitter van die Nelson Mandela-stigting, sê Mandela het groot respek vir Obama gehad.“In ’n tyd dat spanning tussen mense vererger en uitsluiting en onverdraagsaamheid oor die wêreld heen toeneem, moet daar ruimte wees vir die boodskap van Obama, net soos dié van Madiba ’n plek het.”Hy het benadruk dat die stigting se fokuspunte, wat insluit armoede, ongelykheid en rassisme, sake is wat Obama ná aan die hart lê. –Netwerk24/News24

Obama sál gedenklesing vir Mandela kom lewer

Kommentaar

Republikein 2026-02-04

Meld asseblief aan om kommentaar te lewer

Obama sál gedenklesing vir Mandela kom lewer

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.