O gaats! Man bestel 1 hoender aanlyn – kry 1 000
Dis nie ongewoon om ’n item aanlyn te bestel en dit later te berou nie.
Om ’n hemp of ’n paar tekkies terug te stuur na ’n e-handelaar, is gewoonlik nie ’n probleem nie.
’n Man van Nieu-Seeland is egter met ’n heeltemal ander tameletjie gekonfronteer toe hy onlangs ’n fout met ’n aanlyn bestelling gemaak het.
Steve Morrow van Hamilton in Nieu-Seeland wou graag sy bestaande hoenderboerdery met nog ’n paar hoenders uitbrei.
Hy bedryf ’n gastehuis en die henne lewer eiers vir ontbyt.
Morrow het op Trademe.co.nz na hoenders gaan soek. Trademe is Nieu-Seeland se grootste aanlyn platform vir veilings, en allerhande goedere word daarop gesmous.
Daar sien hy toe “dringende” advertensie van ’n hoenderboer van Auckland wat “teen Maandag” van al sy hoenders ontslae moet raak want sy hoenderplaas maak toe.
Morrow, duidelik nie iemand wat die fynskrif van ’n aanlyn advertensie lees nie, besluit toe dis ’n gulde geleentheid om nog so een of twee hoendertjies teen ’n baie goeie prys aan te skaf.
Morrow het aan Insider verduidelik hy was daarvan oortuig hy kan ’n bod insit vir die hoenders en dan so min of so baie hoenders kies as wat hy wil.
Hy bie toe $NZ10,50 (sowat R99) en gaan aan met sy dag.
’n Paar dae later kom die skoknuus: Sy aanbod is aanvaar – en boonop teen ’n heelwat laer prys as wat hy aangebied het. Matthew Blomfield, die eienaar van die hoenderplaas, kontak Morrow toe en vra wat sy planne met die 1 000 hoenders is.
Morrow, totaal oorbluf, besef toe hy het nie een of twee hoenders gekoop nie, maar ’n hele 1 000.
“Waar gaan ek blyplek kry vir 1 000 lêhoenders?” het hy desperaat op ’n plaaslike Facebook-groep gevra.
Hy verduidelik toe hy het ’n bod ingesit vir een hoender, maar toe “wen” hy 1 000.
Gelukkig het die groeplede gou ingespring en kort voor lank het ’n paar dierebeskermingsorganisasies ingestem om van die hoenders te neem. Hulle sal ook help om blyplek vir die oorblywende hoenders te vind.
Volgens Morrow wou hy ten alle koste ’n “slagting” vermy en wou hy juis nie hê dat enige van die hoenders iewers in ’n kospot beland nie. – Netwerk24
Om ’n hemp of ’n paar tekkies terug te stuur na ’n e-handelaar, is gewoonlik nie ’n probleem nie.
’n Man van Nieu-Seeland is egter met ’n heeltemal ander tameletjie gekonfronteer toe hy onlangs ’n fout met ’n aanlyn bestelling gemaak het.
Steve Morrow van Hamilton in Nieu-Seeland wou graag sy bestaande hoenderboerdery met nog ’n paar hoenders uitbrei.
Hy bedryf ’n gastehuis en die henne lewer eiers vir ontbyt.
Morrow het op Trademe.co.nz na hoenders gaan soek. Trademe is Nieu-Seeland se grootste aanlyn platform vir veilings, en allerhande goedere word daarop gesmous.
Daar sien hy toe “dringende” advertensie van ’n hoenderboer van Auckland wat “teen Maandag” van al sy hoenders ontslae moet raak want sy hoenderplaas maak toe.
Morrow, duidelik nie iemand wat die fynskrif van ’n aanlyn advertensie lees nie, besluit toe dis ’n gulde geleentheid om nog so een of twee hoendertjies teen ’n baie goeie prys aan te skaf.
Morrow het aan Insider verduidelik hy was daarvan oortuig hy kan ’n bod insit vir die hoenders en dan so min of so baie hoenders kies as wat hy wil.
Hy bie toe $NZ10,50 (sowat R99) en gaan aan met sy dag.
’n Paar dae later kom die skoknuus: Sy aanbod is aanvaar – en boonop teen ’n heelwat laer prys as wat hy aangebied het. Matthew Blomfield, die eienaar van die hoenderplaas, kontak Morrow toe en vra wat sy planne met die 1 000 hoenders is.
Morrow, totaal oorbluf, besef toe hy het nie een of twee hoenders gekoop nie, maar ’n hele 1 000.
“Waar gaan ek blyplek kry vir 1 000 lêhoenders?” het hy desperaat op ’n plaaslike Facebook-groep gevra.
Hy verduidelik toe hy het ’n bod ingesit vir een hoender, maar toe “wen” hy 1 000.
Gelukkig het die groeplede gou ingespring en kort voor lank het ’n paar dierebeskermingsorganisasies ingestem om van die hoenders te neem. Hulle sal ook help om blyplek vir die oorblywende hoenders te vind.
Volgens Morrow wou hy ten alle koste ’n “slagting” vermy en wou hy juis nie hê dat enige van die hoenders iewers in ’n kospot beland nie. – Netwerk24
Kommentaar
Republikein
Geen kommentaar is op hierdie artikel gelaat nie