NWU bring afstandsleer na Namibië

Die Noordwes-Universiteit (NWU) bring nou afstandsonderrig tot reg voor Namibiërs se deure.Dié universiteit se Eenheid vir Oop Afstandsleer het vandeesweek een van sy twee Namibiese kantore in Windhoek geopen.Dit is by die ou kragstasie-sentrum geleë en die tweede kantoor sal op Ongwediva open.“Die NWU is trots daarop om gehalte onderrig te kan bied aan die meer as 1 500 Namibiese studente wat tans vir afstandsleerkursusse ingeskryf is,” sê die universiteit in 'n verklaring. Die personeel by die universiteit se Namibiese kantore sal registrasie en die akademiese ervaring vir studente so aangenaam moontlik maak.Vyf personeellede bestuur die administrasie en logistiek van die eenheid, asook die bemarking van programme. Die kantore is ten volle toegerus met internetverbinding en diensstasies waar studente op die NWU se webwerf kan aanteken om materiaal af te laai of om aanlyn aansoek te doen.DIENSTE UITGEBREIHoewel die NWU al jare lank afstandsonderrig aanbied, veral aan onderwysstudente, is die Eenheid vir Oop Afstandsleer formeel in 2012 gestig om dié dienste uit te brei. Die eenheid bied kursusse van 'n hoë standaard in verskeie velde aan vir die sowat 30 000 studente wat plaaslik en buite die land se grense woon.“Afstandsonderrig is die ideale oplossing vir studente wat nie voltyds by 'n universiteit kan inskryf nie. “Programme word aangebied deur geskeduleerde witbord-kontakgeleenthede wat afgelaai kan word. Die jongste sagteware word by registrasie verskaf,” lui die verklaring.Die eFundi-platform word vir maklike kommunikasie tussen dosente en studente gebruik. Studente wat nie toegang tot 'n rekenaar het nie, kan ook klasse by een van die studente-ondersteuningsentrums bywoon, wat met rekenaars en Wi-Fi toegerus is. Studente-ondersteuningsentrums is in Windhoek, op Ongwediva, Rundu en Katima Mulilo geleë.

NWU bring afstandsleer na Namibië

Kommentaar

Republikein 2025-08-04

Meld asseblief aan om kommentaar te lewer

NWU bring afstandsleer na Namibië

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie