NWR wys sy oorde aan jonger mark

Volgens die statistiek-webblad Napoleoncat het Namibië in April vanjaar 782 000 Facebook-gebruikers gehad (28,3% van die land se bevolking) en 320 700 gebruikers van Instagram, wat 11,6% van die bevolking verteenwoordig. Volgens die webtuiste verteenwoordig individue tussen die ouderdomme van 24 tot 34 jaar die meerderheid van dié gebruikers.Om bewustheid van sy geriewe onder dié ouderdomsgroepe aan te wakker, soek Namibia Wildlife Resorts (NWR) sosialemedia-beïnvloeders om deel te wees van sy eerste program vir dié gebruikers, wat vanaf 1 Julie tot 31 Oktober duur.Volgens 'n verklaring het NWR gesien hoe sosiale media 'n integrale deel van toeriste se besluit vir hul bestemmings is. “Ons het 'n geleentheid gesien om sosialemedia-beïnvloeders deur middel van 'n landwye oproep uit te nooi om ons te help om verwante inhoud vir ons geriewe te skep. Deur die program word 'n geleentheid geskep om van ons minder bekende oorde blootstelling te gee. “Deur #NWRMoments te gebruik, sal individue al die relevante plasings van die verskillende beïnvloeders vind. Die plasings sal ook op ons webtuiste beskikbaar wees. “Ons bied aan elke beïnvloeder gratis verblyf, die geleentheid om aan aktiwiteite by ons oorde deel te neem, asook maaltye vir hulle en 'n gas. Drankies en vervoer is uitgesluit. Die duur van die besoek sal afhang van die afstand van elk van die plekke waarheen hulle reis,” sê mnr. Mufaro Nesongano, NWR se bestuurder vir korporatiewe kommunikasie, aanlyn media en borgskappe. Sosialemedia-beïnvloeders wat in die program belang stel, het tot 31 Mei om hul motivering van twee bladsye by NWR in te dien. Dit kan aan PRO@nwr.com.na gestuur word. Volgens die verklaring sal elke sosialemedia-beïnvloeder die geleentheid hê om enige van die NWR se geriewe te besoek met die uitsluitlike doel om reisinhoud vir hul volgers, asook dié van NWR te skep.

NWR wys sy oorde aan jonger mark

Kommentaar

Republikein 2026-05-14

Meld asseblief aan om kommentaar te lewer

NWR wys sy oorde aan jonger mark

Kommentaar

Republikein 2026-05-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.