NWR-oorde word opgeknap

Namibia Wildlife Resorts (NWR) sê dit het die terugvoering van sy kliënte die afgelope paar maande oor die toestand van sy geriewe oor die hele land ter harte geneem. Die besturende direkteur van NWR, me. Zelna Hengari, sê dit het daartoe bygedra dat NWR, ondanks die beperkte hulpbronne tot sy beskikking, opknappingswerk by verskeie van sy oorde gedoen het. Volgens ’n mediaverklaring van NWR word die Ai-Ais-kamp tans opgeknap om dit meer aantreklik te maak vir diegene wat die Visrivier-staptog wil aanpak. “Nog ’n oord wat opgeknap word, is Halali in die Etosha Nasionale Park waar die gewilde swembadarea en die buitelug-restaurant nuwe baadjies aangetrek word,” lui die verklaring. “Terselfdertyd het NWR begin om Wi-Fi by sommige van sy kampe en oorde te vestig om te verseker dat gaste altyd in aanraking met hul geliefdes bly as hulle na ons verskeie akkommodasiegeriewe reis.” Alle kampe in die Etosha Nasionale Park het Wi-Fi, behalwe Onkoshi en Olifantsrus, terwyl ander oorde soos Waterberg, Gross Barmen en Sesriem ook met dié diens toegerus is. Wi-Fi sal oor die komende maande by die oorblywende kampe geïnstalleer word. Tydens dieselfde tydperk het NWR ook ’n diens bekend gestel waarmee kliënte besprekings op die webtuiste kan doen en aanlyn kan betaal. Dit sal ook help dat kliënte tyd bespaar wanneer hulle hul akkommodasie beplan, luidens die verklaring.

NWR-oorde word opgeknap

Kommentaar

Republikein 2025-05-21

Meld asseblief aan om kommentaar te lewer

NWR-oorde word opgeknap

Kommentaar

Republikein 2025-05-21

Meld asseblief aan om kommentaar te lewer

MELD AAN

Advertensie