NWR gasheer vir 40 ysterperdmanne

Namibia Wildlife Resorts (NWR) gaan gasheer speel vir die Tshwane Legends Bikers-klub (TLB) van Gauteng in Suid-Afrika tydens hulle nege dae lange toer van al die lande van die Kavango-Zambezi-oorgrensbewaringsgebied (KAZA TFCA). NWR sal 40 motorfietsryers en 20 voertuigbestuurders akkommodeer, wat die manne op motorfietse tydens die avontuur sal begelei en ondersteun. Die reis behels nie net die ryery deur die KAZA-lande nie, maar ook dat elke land se unieke toeriste-aantreklikhede besoek sal word. Die toer skop 11 Mei af en sal op 20 Mei eindig nadat hulle deur Botswana, Namibië, Zambië, Zimbabwe en Angola, wat deel is van die KAZA TFCA, gery het. Dié bewaringsgebied is uniek omdat dit die Okavango-delta, wat die wêreld se grootse binnelandse rivierdelta is, en die Victoria-watervalle, wat een van die wêreld se sewe natuurlike wonders is, insluit.NWR se besturende direkteur, me. Zelna Hengari, is opgewonde oor die belangstelling wat in die KAZA-lande getoon word. “As NWR is ons ernstig oor die bevordering van toerisme oor grense en die skep van pakkette wat verskillende groepe tegemoetkom. NWR sal voortgaan om pakkette aan te bied wat die KAZA-lande en hul verskillende kulture en diversiteit bevoordeel,” het sy gesê.

NWR gasheer vir 40 ysterperdmanne

Kommentaar

Republikein 2025-06-17

Meld asseblief aan om kommentaar te lewer

NWR gasheer vir 40 ysterperdmanne

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie