NVF se president bedank
Vlugbal
Die Namibiese Vlugbalfederasie (NVF) het aangekondig dat Gunter Rust uit sy posisie as president getree het.
Die beheerliggaam se visepresident, Hilary Dux Imbuwa, het die aankondiging in 'n nuusvrystelling gedoen.
Imbuwa het sedertdien die leisels by die NVF in 'n waarnemende hoedanigheid oorgeneem.
Die federasie se volgende verkiesing is by die algemene jaarvergadering van 2020 bestem.
Volgens Imbuwa het Rust se betrokkenheid by die NVF in 2012 begin, toe hy as sekretaris-generaal onder die destydse president, mnr. Joel Matheus, gedien het.
“Ná Matheus se aanstelling as die Namibiese Sportkommissie se voorsitter en sy gevolglike bedanking as die NVF-president in Junie 2016, het Rust hom beskikbaar gestel vir dié deurslaggewende posisie,” het Imbuwa gesê.
Volgens hom het Rust sy verbintenis tot die ontwikkeling van die sport in Namibië oor jare deur en deur bewys.
Rust het telefonies aan die nuusagentskap Nampa bevestig dat hy gedurende die middel van verlede maand uit die NVF bedank het. Volgens hom is werkdruk en professionele verpligtinge die rede dat hy nie langer beskikbaar kan wees nie. - Nampa
Die beheerliggaam se visepresident, Hilary Dux Imbuwa, het die aankondiging in 'n nuusvrystelling gedoen.
Imbuwa het sedertdien die leisels by die NVF in 'n waarnemende hoedanigheid oorgeneem.
Die federasie se volgende verkiesing is by die algemene jaarvergadering van 2020 bestem.
Volgens Imbuwa het Rust se betrokkenheid by die NVF in 2012 begin, toe hy as sekretaris-generaal onder die destydse president, mnr. Joel Matheus, gedien het.
“Ná Matheus se aanstelling as die Namibiese Sportkommissie se voorsitter en sy gevolglike bedanking as die NVF-president in Junie 2016, het Rust hom beskikbaar gestel vir dié deurslaggewende posisie,” het Imbuwa gesê.
Volgens hom het Rust sy verbintenis tot die ontwikkeling van die sport in Namibië oor jare deur en deur bewys.
Rust het telefonies aan die nuusagentskap Nampa bevestig dat hy gedurende die middel van verlede maand uit die NVF bedank het. Volgens hom is werkdruk en professionele verpligtinge die rede dat hy nie langer beskikbaar kan wees nie. - Nampa
Kommentaar
Republikein
Geen kommentaar is op hierdie artikel gelaat nie