Nuwe winde waai in rugby
‘n Geskiedkundige verandering in die samestelling van die Namibië Rugby-unie (NRU) se bestuur het tydens die naweek se jaarvergadering plaasgevind.
Mnr. Corrie Mensah, ‘n man wat diep spore in die sport getrap het, is onbestrede as nuwe president verkies.
Inderdaad was mnr. Bradley Basson ‘n groot dienaar van rugby, maar die voorgestelde wysiging van die NRU-grondwet om hom vir ‘n derde termyn te verkies, was om talle redes ongerade. Basson het ‘n stemmingsmosie verhoed deur homself te onttrek.
‘n Wyse stap. Sulke reëls is juis daar om vernuwing te bevorder.
Mensah, ‘n lid van die sogenaamde “Besorgde Groep”, se pleidooi vir eenheid is baie belangrik. Aan die samehorigheid sal nou hard gewerk moet word tot almal se voordeel.
Klubs bly die hoogste gesag, maar gladde samewerking eerder as voorskriftelikheid aan, en konflik met die Namibiese rugbymaatskappy sal ook nodig wees.
Die hersiening van die NRU se grondwet, beleidsdokumente en regulasies is bo-aan Mensah se prioriteitslys. Dit is goed dat regslui met die proses sal help.
Hierdie standpuntinname kom kort voor die sperdatum van Mei wat die Ombudsman aan alle belanghebbendes gestel het om te bewys kwessies oor diskriminasie en die samestelling van sportspanne is behoorlik aangespreek.
‘n Groot taak rus nie net op die Mensah-span nie, maar alle klubs om die proses verantwoordelik en deursigtig te bestuur.
‘n Nuwe era gaan dikwels gepaard met winde van verandering. Die winde moet egter nie in storms ontaard wat prestasies uitwis en wegsleur nie.
So sê ander
9 April 2018
Beeld en Die Burger sê
Dit is skokkend dat korrupsie in openbare skole uitgewys is as een van die grootste knelpunte in die waghondorganisasie Corruption Watch se 2017-verslag.
Die grootste probleem is die wanbestuur van skoolgeld (34% van die probleem), gevolg deur die diefstal van geld (29%).
Uit die aard van die saak verg dit ’n verbluffende morele verrotting om letterlik kinders se toekoms te steel.
Plaas daarvan om die mag van die vakbonde in te perk, wil die regering nou die mag van die beheerliggame inperk.
Kyk die aard en omvang van die probleem nou vierkant in die oë, en laat dít die beginpunt vir ’n doelgerigte soeke na langtermynoplossings wees.
Vier dekades ná die skoolopstande van 1976 kan ons nie nóg ’n verlore generasie bekostig nie.
• NETWERK24
Mnr. Corrie Mensah, ‘n man wat diep spore in die sport getrap het, is onbestrede as nuwe president verkies.
Inderdaad was mnr. Bradley Basson ‘n groot dienaar van rugby, maar die voorgestelde wysiging van die NRU-grondwet om hom vir ‘n derde termyn te verkies, was om talle redes ongerade. Basson het ‘n stemmingsmosie verhoed deur homself te onttrek.
‘n Wyse stap. Sulke reëls is juis daar om vernuwing te bevorder.
Mensah, ‘n lid van die sogenaamde “Besorgde Groep”, se pleidooi vir eenheid is baie belangrik. Aan die samehorigheid sal nou hard gewerk moet word tot almal se voordeel.
Klubs bly die hoogste gesag, maar gladde samewerking eerder as voorskriftelikheid aan, en konflik met die Namibiese rugbymaatskappy sal ook nodig wees.
Die hersiening van die NRU se grondwet, beleidsdokumente en regulasies is bo-aan Mensah se prioriteitslys. Dit is goed dat regslui met die proses sal help.
Hierdie standpuntinname kom kort voor die sperdatum van Mei wat die Ombudsman aan alle belanghebbendes gestel het om te bewys kwessies oor diskriminasie en die samestelling van sportspanne is behoorlik aangespreek.
‘n Groot taak rus nie net op die Mensah-span nie, maar alle klubs om die proses verantwoordelik en deursigtig te bestuur.
‘n Nuwe era gaan dikwels gepaard met winde van verandering. Die winde moet egter nie in storms ontaard wat prestasies uitwis en wegsleur nie.
So sê ander
9 April 2018
Beeld en Die Burger sê
Dit is skokkend dat korrupsie in openbare skole uitgewys is as een van die grootste knelpunte in die waghondorganisasie Corruption Watch se 2017-verslag.
Die grootste probleem is die wanbestuur van skoolgeld (34% van die probleem), gevolg deur die diefstal van geld (29%).
Uit die aard van die saak verg dit ’n verbluffende morele verrotting om letterlik kinders se toekoms te steel.
Plaas daarvan om die mag van die vakbonde in te perk, wil die regering nou die mag van die beheerliggame inperk.
Kyk die aard en omvang van die probleem nou vierkant in die oë, en laat dít die beginpunt vir ’n doelgerigte soeke na langtermynoplossings wees.
Vier dekades ná die skoolopstande van 1976 kan ons nie nóg ’n verlore generasie bekostig nie.
• NETWERK24
Kommentaar
Republikein
Geen kommentaar is op hierdie artikel gelaat nie