Nuwe webtuiste vir burgerlike organisasies

Tanja Bause - ’n Nuwe webtuiste en inligtingsentrum vir burgerlike organisasies is onlangs van stapel gestuur.

Die webtuiste, Civic +264, verteenwoordig alle burgerlike organisasies landswyd.

Volgens mnr. Graham Hopwood, ’n lid van die Civic +264 se raad, is daar tans 230 verskillende organisasies op die webtuiste.

“Die webwerf is daar om op ’n positiewe manier te wys wat burgerlike organisasies in die land doen, soos kindergartens en sopkombuise. Dit is om te wys wat ons vir die Namibiese gemeenskap doen,” het hy gesê.

Volgens me. Zoe Titus, ook ’n raadslid, is daar baie wat organisasies doen wat mense onbewus van is en die webtuiste is daar om mense in te lig. Organisasies is ook welkom om op die webwerf te registreer. Mense kan na www.civic264.org.na gaan vir meer inligting. - [email protected]