Nuwe vrae oor Mansudae
Die Namibiese regering gaan, ondanks die Verenigde Nasies se sanksies, voort om met Noord-Korea sake te doen.
Estelle de Bruyn - Die kontrak vir veranderinge aan Staatshuis is aan die Noord-Koreaanse maatskappy Mansudae Overseas Projects (MOP) toegeken.
Dít blyk uit antwoorde wat die adjunkminister in die kantoor van die visepresident belas met gestremdes, me. Alexia Manombe-Ncube, Donderdag in die Nasionale Vergadering (NV) namens die minister van presidensiële aangeleenthede, mnr. Frans Kapofi, op vrae van mnr. McHenry Venaani van die DTA verskaf het.
Venaani wou weet watter maatskappy N$40 miljoen gekwoteer het vir kantooropgraderings en die aanbou van ‘n balkon by Staatshuis en hoeveel ander kwotasies ontvang is.
Manombe-Ncube het verduidelik die veranderinge is deur ‘n tekort aan kantoorspasie vir die president se ondersteuningspersoneel genoodsaak.
’n Plaaslike argitekfirma het die argitektoniese ontwerp gedoen, gebaseer op die kantoorbehoeftes, en ‘n plaaslike bestekopnemer is ook gebruik.
“Professionele raad van die twee maatskappye het, ná die evaluering van verskillende opsies, aangedui dit sal goedkoper, veiliger en meer prakties wees om die kontrak aan die maatskappy wat Staatshuis aanvanklik gebou het, MOP, toe te ken,” het Manombe-Ncube gesê.
Benewens MOP is verskeie plaaslike klein en medium ondernemings as subkontrakteurs aangestel om onder meer elektriese installering, teël- en messelwerk te doen.
Sy wys ook daarop dat tenderraadvrystelling vir die projek verkry is “ingevolge die bestaande wet op daardie tydstip”.
Daar is volgens haar ook geen rede om te dink die diensverskaffers het hul pryse opgestoot nie.
Sy wou nie uitwei oor presies wat verder gedoen is nie, omdat dit “veiligheidsensitief” was.
MOP word deur VN se veiligheidsraad in verskeie resolusies gesanksioneer. Namibië het die afgelope jaar gewerk om Noord-Koreaanse kontrakteurs na hul land van herkoms te repatrieer. Onlangs het die ministerie van internasionale betrekkinge, in reaksie op ‘n CNN-televisieverslag, ‘n verklaring uitgereik waarin die versekering gegee is dat Namibië, sedert VN-sanksies ingestel is (2006), aan alle VN-resolusies voldoen en dat alle Noord-Koreane die land verlaat het.
Venaani wou ook weet of opgraderings aan die president se amptelike woning gedoen is en wat dit gekos het.
Manombe-Ncube het gesê opknapping en instandhouding van die president se ampswoning is nodig. Van die werk moes gedurende hierdie finansiële jaar gedoen word, maar vanweë finansiële beperkinge is dit tot verdere kennisgewing gestaak.
Op ‘n vraag van Venaani oor sekuriteitsopgraderings by die president se private woning, het sy gesê die staatshoof se veiligheid is die staat se verantwoordelikheid. Gevolglik is dit gedoen om sy veiligheid te verseker.
Dít blyk uit antwoorde wat die adjunkminister in die kantoor van die visepresident belas met gestremdes, me. Alexia Manombe-Ncube, Donderdag in die Nasionale Vergadering (NV) namens die minister van presidensiële aangeleenthede, mnr. Frans Kapofi, op vrae van mnr. McHenry Venaani van die DTA verskaf het.
Venaani wou weet watter maatskappy N$40 miljoen gekwoteer het vir kantooropgraderings en die aanbou van ‘n balkon by Staatshuis en hoeveel ander kwotasies ontvang is.
Manombe-Ncube het verduidelik die veranderinge is deur ‘n tekort aan kantoorspasie vir die president se ondersteuningspersoneel genoodsaak.
’n Plaaslike argitekfirma het die argitektoniese ontwerp gedoen, gebaseer op die kantoorbehoeftes, en ‘n plaaslike bestekopnemer is ook gebruik.
“Professionele raad van die twee maatskappye het, ná die evaluering van verskillende opsies, aangedui dit sal goedkoper, veiliger en meer prakties wees om die kontrak aan die maatskappy wat Staatshuis aanvanklik gebou het, MOP, toe te ken,” het Manombe-Ncube gesê.
Benewens MOP is verskeie plaaslike klein en medium ondernemings as subkontrakteurs aangestel om onder meer elektriese installering, teël- en messelwerk te doen.
Sy wys ook daarop dat tenderraadvrystelling vir die projek verkry is “ingevolge die bestaande wet op daardie tydstip”.
Daar is volgens haar ook geen rede om te dink die diensverskaffers het hul pryse opgestoot nie.
Sy wou nie uitwei oor presies wat verder gedoen is nie, omdat dit “veiligheidsensitief” was.
MOP word deur VN se veiligheidsraad in verskeie resolusies gesanksioneer. Namibië het die afgelope jaar gewerk om Noord-Koreaanse kontrakteurs na hul land van herkoms te repatrieer. Onlangs het die ministerie van internasionale betrekkinge, in reaksie op ‘n CNN-televisieverslag, ‘n verklaring uitgereik waarin die versekering gegee is dat Namibië, sedert VN-sanksies ingestel is (2006), aan alle VN-resolusies voldoen en dat alle Noord-Koreane die land verlaat het.
Venaani wou ook weet of opgraderings aan die president se amptelike woning gedoen is en wat dit gekos het.
Manombe-Ncube het gesê opknapping en instandhouding van die president se ampswoning is nodig. Van die werk moes gedurende hierdie finansiële jaar gedoen word, maar vanweë finansiële beperkinge is dit tot verdere kennisgewing gestaak.
Op ‘n vraag van Venaani oor sekuriteitsopgraderings by die president se private woning, het sy gesê die staatshoof se veiligheid is die staat se verantwoordelikheid. Gevolglik is dit gedoen om sy veiligheid te verseker.
Kommentaar
Republikein
Geen kommentaar is op hierdie artikel gelaat nie