Nuwe Swapo-burgemeester vir Windhoek
Die lewering van dienste in informele nedersettings is op die agenda van die hoofstad se nuwe raadsvoorsitter.
Denver Kisting
Die jaarlikse burgemeesteroorsig van die Windhoek-munisipaliteit (CoW) is nie Vrydag gedoen nie omdat die uittredende burgemeester, mnr. Muesee Kazapua, afwesig was.
Kazapua het sonder verskoning in sy afwesigheid geskitter toe me. Fransina Kahungu, 'n mede- Swapo-lid, as sy opvolger ingehuldig is.
Omdat die jaarverslag nie Vrydagmiddag voor die raad kon dien nie, kon dit ook nie bespreek en goedgekeur word nie.
Eweneens kon die gebruiklike blyke van waardering ook nie aan Kazapua oorhandig word nie.
Die uitvoerende hoof, mnr. Robert Kahimise, het toe gevra dat dié items op die agenda tot 'n volgende keer moet oorstaan.
'n Engelse dagblad het aan die begin van verlede week berig die regerende party se Khomasstreekleiers het toe reeds 'n besluit geneem dat Kazapua vervang sou word.
CoW het toe by monde van sy woordvoerder, mnr. Harold Akwenye, gesê tot 'n verkiesing nie gehou word nie, bly Kazapua die hoofstad se burgemeester.
Kazapua was verlede Dinsdag nog as burgemeester teenwoordig by die amptelike Menseregtedagverrigtinge by die Ou Lokasie-begraafplaas in Hochlandpark.
Volgens Kahungu is dit aan die einste mediaberigte te danke dat sy Vrydagmiddag voor die raadsverkiesing met 'n voorbereide oorwinningstoespraak opgedaag het.
In die ses bladsy lange toespraak het sy Vrydag vir Kazapua bedank “waar hy ook al is” dat hy die afgelope vyf jaar “'n wonderlike burgemeester” was.
Nadat sy as deel van haar aanvaardingsrede almal teenwoordig die eerste vers van die Afrika Unie-lied “met betekenis” laat sing het, het sy haar kollegas bedank vir die benoeming en sekondering, en die ander omdat hulle nie haar nominasie teengestaan het nie.
Dié vers het dit hoofsaaklik oor eenheid.
Aangesien 'n groot aantal van Windhoek se nagenoeg halfmiljoen inwoners in informele nedersettings woon, is dit belangrik om dié buurte te formaliseer, het Kahungu gesê.
Die stad het 'n verantwoordelikheid om aan hul basiese behoeftes van water, sanitasie, skuiling en krag te voorsien, meen sy. “Ja, ons weet wat die behoeftes van inwoners is, want ons is self inwoners.”
As hoof van die raad sal sy koppe met die raad bymekaar sit oor hoe hulle geld kan in om aan daardie behoeftes te voldoen, sê sy.
Die nuwe raad se termyn verstryk oor 'n jaar.
- [email protected]
Die jaarlikse burgemeesteroorsig van die Windhoek-munisipaliteit (CoW) is nie Vrydag gedoen nie omdat die uittredende burgemeester, mnr. Muesee Kazapua, afwesig was.
Kazapua het sonder verskoning in sy afwesigheid geskitter toe me. Fransina Kahungu, 'n mede- Swapo-lid, as sy opvolger ingehuldig is.
Omdat die jaarverslag nie Vrydagmiddag voor die raad kon dien nie, kon dit ook nie bespreek en goedgekeur word nie.
Eweneens kon die gebruiklike blyke van waardering ook nie aan Kazapua oorhandig word nie.
Die uitvoerende hoof, mnr. Robert Kahimise, het toe gevra dat dié items op die agenda tot 'n volgende keer moet oorstaan.
'n Engelse dagblad het aan die begin van verlede week berig die regerende party se Khomasstreekleiers het toe reeds 'n besluit geneem dat Kazapua vervang sou word.
CoW het toe by monde van sy woordvoerder, mnr. Harold Akwenye, gesê tot 'n verkiesing nie gehou word nie, bly Kazapua die hoofstad se burgemeester.
Kazapua was verlede Dinsdag nog as burgemeester teenwoordig by die amptelike Menseregtedagverrigtinge by die Ou Lokasie-begraafplaas in Hochlandpark.
Volgens Kahungu is dit aan die einste mediaberigte te danke dat sy Vrydagmiddag voor die raadsverkiesing met 'n voorbereide oorwinningstoespraak opgedaag het.
In die ses bladsy lange toespraak het sy Vrydag vir Kazapua bedank “waar hy ook al is” dat hy die afgelope vyf jaar “'n wonderlike burgemeester” was.
Nadat sy as deel van haar aanvaardingsrede almal teenwoordig die eerste vers van die Afrika Unie-lied “met betekenis” laat sing het, het sy haar kollegas bedank vir die benoeming en sekondering, en die ander omdat hulle nie haar nominasie teengestaan het nie.
Dié vers het dit hoofsaaklik oor eenheid.
Aangesien 'n groot aantal van Windhoek se nagenoeg halfmiljoen inwoners in informele nedersettings woon, is dit belangrik om dié buurte te formaliseer, het Kahungu gesê.
Die stad het 'n verantwoordelikheid om aan hul basiese behoeftes van water, sanitasie, skuiling en krag te voorsien, meen sy. “Ja, ons weet wat die behoeftes van inwoners is, want ons is self inwoners.”
As hoof van die raad sal sy koppe met die raad bymekaar sit oor hoe hulle geld kan in om aan daardie behoeftes te voldoen, sê sy.
Die nuwe raad se termyn verstryk oor 'n jaar.
- [email protected]
Kommentaar
Republikein
Geen kommentaar is op hierdie artikel gelaat nie