Nuwe seisoen open vir premierligaklubs
Deurslaggewende vertonings met kolf en bal is nodig vir klubs wat goed wil wegspring.
Tielman van Lill – Krieket Namibië se premierliga vir die 2020-2021-klubseisoen skop môre en Sondag in die hoofstad met vier wedstryde af.
Die MR247 Welwitschias van die kus pak Samsung FNB Wanderers môre in Pionierspark in hul eerste 50-boulbeurtwedstryd en volg dit Sondag met 'n T20-botsing by dieselfde venue op.
WHS Old Boys is môre by die FNB Vegkopstadion die gasheer wanneer Trustco United I vir 'n eendagwedstryd aanklop (50 boulbeurte), voordat beide Sondag in die herontmoeting hul T20-spesialiste loslaat.
Die eerste deel van die nuwe eendag- en T20-seisoen strek vanaf môre tot 22 November. Die vyf deelnemende klubs CCD Tigers, Old Boys, United, Wanderers en Welwitschias sal weer op 16 Januarie 2021 die aksie ná die feesseisoen in beide spelformate samelopend hervat.
Old Boys, die verdedigende nasionale eendagkampioenspan, het vroeër vanjaar Wanderers in die finaal in Pionierspark met ses paaltjies geklop en onttroon. Zane Green, paaltjiewagter en aanvangskolwer van die Eagles en Old Boys, was in die eindstryd met 'n onoorwonne 103 lopies van 111 aflewerings (12x4, 1x6) die groot held. Wanderers se 170 almal uit is deur Old Boys se 172/4 oortref.
CCD Tigers, wat die afgelope twee jaar as onbetwiste T20-kampioen heers, speel eers op 31 Oktober sy eerste T20-wedstryd tuis teen Old Boys. United het op 13 Oktober 2019 in die T20-eindstryd by Wanderers-veld teen Tigers op spannende wyse met sewe lopies verloor.
Old Boys met sy sterbelaaide span behoort Sondag min probleme te hê om die besoekers te klop. Met al sy nasionale helde soos Green, Erasmus, Williams, Trumpelman, Groenewald, Ngupita en Lungameni het die gasheer die luukse om jong belowende kolwers soos Janse van Rensburg en Volschenk kans te gee om met vryheid te speel.
Die beskikbare spelersgroepe gister teen druktyd:
WHS Old Boys: Zane Green (paaltjiewagter), Wimpie Viljoen, Gerhard Erasmus (kapt), Craig Williams, Malan Kruger, Ruben Trumpelmann, Gerhard Janse van Rensburg (net 50bb), Zhivago Groenewald, Dirk Theunissen (50 bb), Mauritius Ngupita, Melrich Robyn, Tangeni Lungameni (net T20), Alex Volschenk (T20).
United: Lo-han Louwrens, Hendrik van der Walt, Eben van Wyk, Shaun Fouché, Damon Coetzee, Stefan Bezuidenhout, Petrus Burger, Christiaan Delport, JW Visagie, Henry Hayes, Dewald le Grange, Ramsey McDonald (50bb), Brendan Britten (T20).
– [email protected]
Die MR247 Welwitschias van die kus pak Samsung FNB Wanderers môre in Pionierspark in hul eerste 50-boulbeurtwedstryd en volg dit Sondag met 'n T20-botsing by dieselfde venue op.
WHS Old Boys is môre by die FNB Vegkopstadion die gasheer wanneer Trustco United I vir 'n eendagwedstryd aanklop (50 boulbeurte), voordat beide Sondag in die herontmoeting hul T20-spesialiste loslaat.
Die eerste deel van die nuwe eendag- en T20-seisoen strek vanaf môre tot 22 November. Die vyf deelnemende klubs CCD Tigers, Old Boys, United, Wanderers en Welwitschias sal weer op 16 Januarie 2021 die aksie ná die feesseisoen in beide spelformate samelopend hervat.
Old Boys, die verdedigende nasionale eendagkampioenspan, het vroeër vanjaar Wanderers in die finaal in Pionierspark met ses paaltjies geklop en onttroon. Zane Green, paaltjiewagter en aanvangskolwer van die Eagles en Old Boys, was in die eindstryd met 'n onoorwonne 103 lopies van 111 aflewerings (12x4, 1x6) die groot held. Wanderers se 170 almal uit is deur Old Boys se 172/4 oortref.
CCD Tigers, wat die afgelope twee jaar as onbetwiste T20-kampioen heers, speel eers op 31 Oktober sy eerste T20-wedstryd tuis teen Old Boys. United het op 13 Oktober 2019 in die T20-eindstryd by Wanderers-veld teen Tigers op spannende wyse met sewe lopies verloor.
Old Boys met sy sterbelaaide span behoort Sondag min probleme te hê om die besoekers te klop. Met al sy nasionale helde soos Green, Erasmus, Williams, Trumpelman, Groenewald, Ngupita en Lungameni het die gasheer die luukse om jong belowende kolwers soos Janse van Rensburg en Volschenk kans te gee om met vryheid te speel.
Die beskikbare spelersgroepe gister teen druktyd:
WHS Old Boys: Zane Green (paaltjiewagter), Wimpie Viljoen, Gerhard Erasmus (kapt), Craig Williams, Malan Kruger, Ruben Trumpelmann, Gerhard Janse van Rensburg (net 50bb), Zhivago Groenewald, Dirk Theunissen (50 bb), Mauritius Ngupita, Melrich Robyn, Tangeni Lungameni (net T20), Alex Volschenk (T20).
United: Lo-han Louwrens, Hendrik van der Walt, Eben van Wyk, Shaun Fouché, Damon Coetzee, Stefan Bezuidenhout, Petrus Burger, Christiaan Delport, JW Visagie, Henry Hayes, Dewald le Grange, Ramsey McDonald (50bb), Brendan Britten (T20).
– [email protected]
Kommentaar
Republikein
Geen kommentaar is op hierdie artikel gelaat nie