Nuwe salarisperk in Engelse rugby ’n ‘absolute sirkus’

Rugbyklubs in Engeland skarrel om spelers se kontrakte voor Donderdag aan te pas om sodoende ’n nuwe voorsiening in die salarisperkreëls uit te buit.Damian Hopley, uitvoerende hoof van Engeland se Rugbyspelersvereniging (RPA), het dit in reaksie as ’n “absolute sirkus” beskryf.Klubs in die Engelse Premierliga het verlede week ten gunste van ’n aanbeveling gestem wat meebring dat die salarisperk van die 2021-’22- tot 2023-’24-seisoen verlaag word. Die perk vir senior spelers was £6,4 miljoen en is tot £5 miljoen aangepas.In die Engelse media word berig sommige spelers word nou langtermynkontrakte aangebied wat net sowat 75% van hul huidige vergoeding beloop.“Ek het nog nooit so iets gesien nie. In sommige gevalle kry spelers nuwe kontrakte wat binne 24 uur geteken moet word,” het Hopley aan The Guardian gesê.“Ons praat hier van die volgende drie jaar van spelers se loopbane.”Hy sê die skielike verwikkeling is veral vir jong spelers ’n ontnugtering.“Hulle is aan die begin van hul loopbaan. Hulle moet wonder wat hul besiel het,” sê Hopley.“Daar word gepraat van drome wat waar word in die sport. Ek is seker daar is nie veel van ’n droom in dié stadium nie.”Hy sê as daar spelers is wat voel die nuwe aanbiedinge is billik, moet hulle dit aanvaar.“Vir ons gaan dit egter oor die honderde spelers wat nie hiermee tevrede is nie en gegrief is met die totaal gebrekkige proses.” – Reuters

Nuwe salarisperk in Engelse rugby ’n ‘absolute sirkus’

Kommentaar

Republikein 2026-07-28

Meld asseblief aan om kommentaar te lewer

Nuwe salarisperk in Engelse rugby ’n ‘absolute sirkus’

Kommentaar

Republikein 2026-07-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.