Nuwe ruimte vir naslaan, leer en lees

'n Splinternuwe mediategnologie-biblioteek is nou oop vir die publiek by die hoofkantoor van Namibia Media Holdings in Windhoek.Die herontwerpte argief is Vrydag amptelik in gebruik geneem.Buiten vir toegang tot gedrukte Namibiese media wat verder as 100 jaar terugstrek, kan naslaanwerk in NMH se dagblaaie ook elektronies gedoen word. Die elektroniese argief sal volgens plan teen volgende jaar volledig digitaal deursoekbaar wees.Op die perseel is ook 'n kiosk en die ateljee waaruit Africa Good Morning elke oggend regstreeks gebeeldsend word.Die projek het nie net ten doel om Namibiese geskiedenis te bewaar nie, maar ook om lees en nuwe media te bevorder. Skole is welkom om die biblioteek te besoek deur vooraf afsprake te maak.'n Spesiale woord van dank is gerig aan Luzell October (voormalige argivaris), Thusnelde Gamibes, Elizabeth Coetzee en die argief se nuwe span, bestaande uit Fransina Goagoses en Bronwên Christian.Gamibes werk al 20 jaar by die groep; 15 jaar daarvan in die argief. Volgens haar is daar digby 3 500 gebinde volumes in die nuwe bewaarruimte.“Tonnegewys is dit moeilik om te skat, maar dat dit 'n gewigtige saak is, is vir seker,” sê sy. “Die magdom inligting wat hier bymekaar is, sal mens se brein behoorlik laat vries. “Tog is elke dag se inligting wat bykom, nuut en opwindend om te sien en om te bewaar. En moenie vergeet van die duisende foto's wat ook hier 'n huis gevind het nie.”Die bekende historikus, dr. Andreas Vogt, het sekere publikasies aan die argief geskenk waaroor NMH nie self beskik het nie.

Nuwe ruimte vir naslaan, leer en lees

Kommentaar

Republikein 2026-06-23

Meld asseblief aan om kommentaar te lewer

Nuwe ruimte vir naslaan, leer en lees

Kommentaar

Republikein 2026-06-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.