Nuwe riglyne vir die stryd teen plastiek
Die hoof van ’n herwinningsmaatskappy sê dit is noodsaaklik dat kleinhandelaars, handelsnaam-eienaars, vervaardigers en ontwerpers die konsep van herwinbaarheid in die ontwerpproses insluit.
Francois Williams – As produkverpakking uit die staanspoor beter ontwerp word, kan dit plastiek uit die omgewing hou en ondernemings help geld bespaar.
Die PET Plastiekherwinningsmaatskappy (Petco) het pas riglyne uitgereik wat vervaardigers en ontwerpers van verpakking kan gebruik om meer herwinbare en volhoubare verpakkingsmateriaal te ontwerp.
Dit is spesiaal opgestel vir die vervaardigers van poli-etileentereftalaat (PET), die algemeenste soort plastiek vir verpakking soos koeldrankbottels.
Cheri Scholtz, uitvoerende hoof van Petco, sê dit is noodsaaklik dat kleinhandelaars, handelsnaam-eienaars, vervaardigers en ontwerpers die konsep van herwinbaarheid in die ontwerpproses insluit sodat PET-produkte suksesvol herwin kan word en in nuwe produkte hergebruik kan word.
Maatskappye wat verbruikers se vraag na omgewingsvriendeliker verpakking ignoreer, sal dit al hoe moeiliker vind om mee te ding, waarsku Scholtz.
PET-plastiek is 100% herwinbaar indien sekere basiese ontwerpbeginsels gevolg word, sê sy.
Vervaardigers van plastiekverpakking en handelsnaam-eienaars behoort hul bestaande portefeulje van PET-verpakkings te meet aan Petco se ontwerpbeginsels om te kyk waar die ontwerpe verbeter kan word, meen sy.
Van die riglyne sluit in:
· Houers moet ontwerp word met die beskikbare herwinningsinfrastruktuur in Suid-Afrika in gedagte.
· Vermy die gebruik van materiaal of komponente wat die proses van herwinning belemmer of die gehalte van herwinde PET verlaag.
· Beperk die aantal verskillende soorte plastiek wat gebruik word, en spesifiseer die plastiek wat saam herwin kan word of wat maklik van mekaar geskei kan word.
· Ontwerp komponente soos deksels of etikette om maklik, veilig, kostedoeltreffend en vinnig geskei te kan word.
· Wees deursigtig oor die herwinbaarheid van verpakking en die gebruik van herwinde PET.
· Gebruik deursigtige plastiek eerder as gekleurde plastiek vir bottels en houers.
· Ontwerp die deksel as ’n integrale deel van die houer.
· Moenie gom aan die romp van die houer gebruik nie.
· Moenie regstreeks op die houer of bottel drukwerk doen nie.
· Etikette moenie van papier of metaal wees nie, en moenie van materiaal wees wat digter is as 1 gram per kubieke cm soos PVC, PET of PS nie; en
· Die gom op etikette moet ontwerp wees om op die etiket agter te bly.
Scholtz sê ondernemings behoort die herwinbaarheid van PET-plastiek as ’n sakegeleentheid te sien, eerder as ’n lastige omgewingsverpligting.
“PET-bottels word gemaak van een van die min polimere wat oor en oor tot dieselfde vorm herwin kan word.”
Herwinde PET kan boonop gebruik word in nuwe produkte soos poliëstervesel vir klere, tuistekstiel soos kussings en matte, dak-isolasie, en sitplekoortreksels en bagasieruim-matte vir motorvoertuie. – Netwerk24
Die PET Plastiekherwinningsmaatskappy (Petco) het pas riglyne uitgereik wat vervaardigers en ontwerpers van verpakking kan gebruik om meer herwinbare en volhoubare verpakkingsmateriaal te ontwerp.
Dit is spesiaal opgestel vir die vervaardigers van poli-etileentereftalaat (PET), die algemeenste soort plastiek vir verpakking soos koeldrankbottels.
Cheri Scholtz, uitvoerende hoof van Petco, sê dit is noodsaaklik dat kleinhandelaars, handelsnaam-eienaars, vervaardigers en ontwerpers die konsep van herwinbaarheid in die ontwerpproses insluit sodat PET-produkte suksesvol herwin kan word en in nuwe produkte hergebruik kan word.
Maatskappye wat verbruikers se vraag na omgewingsvriendeliker verpakking ignoreer, sal dit al hoe moeiliker vind om mee te ding, waarsku Scholtz.
PET-plastiek is 100% herwinbaar indien sekere basiese ontwerpbeginsels gevolg word, sê sy.
Vervaardigers van plastiekverpakking en handelsnaam-eienaars behoort hul bestaande portefeulje van PET-verpakkings te meet aan Petco se ontwerpbeginsels om te kyk waar die ontwerpe verbeter kan word, meen sy.
Van die riglyne sluit in:
· Houers moet ontwerp word met die beskikbare herwinningsinfrastruktuur in Suid-Afrika in gedagte.
· Vermy die gebruik van materiaal of komponente wat die proses van herwinning belemmer of die gehalte van herwinde PET verlaag.
· Beperk die aantal verskillende soorte plastiek wat gebruik word, en spesifiseer die plastiek wat saam herwin kan word of wat maklik van mekaar geskei kan word.
· Ontwerp komponente soos deksels of etikette om maklik, veilig, kostedoeltreffend en vinnig geskei te kan word.
· Wees deursigtig oor die herwinbaarheid van verpakking en die gebruik van herwinde PET.
· Gebruik deursigtige plastiek eerder as gekleurde plastiek vir bottels en houers.
· Ontwerp die deksel as ’n integrale deel van die houer.
· Moenie gom aan die romp van die houer gebruik nie.
· Moenie regstreeks op die houer of bottel drukwerk doen nie.
· Etikette moenie van papier of metaal wees nie, en moenie van materiaal wees wat digter is as 1 gram per kubieke cm soos PVC, PET of PS nie; en
· Die gom op etikette moet ontwerp wees om op die etiket agter te bly.
Scholtz sê ondernemings behoort die herwinbaarheid van PET-plastiek as ’n sakegeleentheid te sien, eerder as ’n lastige omgewingsverpligting.
“PET-bottels word gemaak van een van die min polimere wat oor en oor tot dieselfde vorm herwin kan word.”
Herwinde PET kan boonop gebruik word in nuwe produkte soos poliëstervesel vir klere, tuistekstiel soos kussings en matte, dak-isolasie, en sitplekoortreksels en bagasieruim-matte vir motorvoertuie. – Netwerk24
Kommentaar
Republikein
Geen kommentaar is op hierdie artikel gelaat nie