Nuwe regter vir Fishrot-saak

Kristien Kruger – Die Fishrot-korrupsiesaak is amptelik aan waarnemende regter Kobus Miller toegewys om te behartig.Die nege beskuldigdes het gister in die hoërhof in Windhoek voor regter Christie Liebenberg verskyn vir voorverhoorverrigtinge, maar Liebenberg het die saak tot 3 Februarie uitgestel sodat Miller die saak verder kan bestuur.“Dis 'n opdrag van die regterpresident. Miller sal die saak verder bestuur totdat dit gereed is vir die verhoor,” het Liebenberg gesê.Volgens mnr. Trevor Brockerhoff, regsverteenwoordiger van mnr. Ricardo Gustavo aan wie borgtog onlangs toegestaan is, sal hulle 'n aansoek indien vir die regter om homself van die saak te onttrek. “Miller was betrokke by 'n vorige aansoek om borgtog van een van die beskuldigdes in hierdie einste hof. Hy het reeds sekere bevindinge gemaak op grond van die beskikbare bewyse,” het Brockerhoff aan Liebenberg gesê.Die beskuldigdes sal op 3 Februarie vir voorverhoor voor Miller in die hof verskyn.Die beskuldigdes sal wel op 26 Januarie weer voor regter Orben Sibeya in die hoërhof in Windhoek verskyn vir aanklaer-generaal Martha Imalwa se aansoek van artikel 25 van die Wet op die Voorkoming van Georganiseerde Misdaad 29 van 2004 (Poca) vir 'n eiendomsbeperkingsbevel oor die beskuldigdes en die maatskappye wat hulle besit, se bates.Gustavo is die enigste Fishrotter wat vry is op borg en hy is vriendelik gegroet en omhels toe hy sy plek langs sy medebeskuldigdes, wat sedert hul inhegtenisneming in aanhouding is, in die getuienisbank ingeneem het.Mnre. Sacky Shanghala, James Hatuikulipi, Otneel Shuudifonya, Mike Nghipunya, Pius Mwatelulo en Phillipus Mwapopi sal op 24 Januarie weer in die hof verskyn vir hul aansoek om borgtog wat voor regter Shafimana Uietele gehoor word.Nigel van Wyk het in November sy formele aansoek om borgtog teruggetrek en mnr. Bernard Esau en sy skoonseun, Tamson (Fitty) Hatuikulipi, is borgtog geweier. – kristien@republikein.com.naFOTO’s Kristien KrugerDie Fishrot-beskuldigdes het gister in die hoërhof in Windhoek verskyn en hul saak is tot 3 Februarie uitgestel vir voorverhoof.

Nuwe regter vir Fishrot-saak

Kommentaar

Republikein 2026-02-24

Meld asseblief aan om kommentaar te lewer

Nuwe regter vir Fishrot-saak

Kommentaar

Republikein 2026-02-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.