Steeds geen kontrak vir diens aan Psemas

'Swak opgestel, dubbelsinnig'

26 February 2020 | Gesondheid
Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot 31 Mei vanjaar.

Die ministerie van finansies het ook tydelik die ontvangs en goedkeuring van aansoeke vir die Psemas-kontrak “tot verdere kennisgewing” uitgestel. Volgens die ministerie se uitvoerende direkteur, me. Ericah Shafudah, is die ministerie tans besig met die wysigingsproses van die nuwe kontrak.

Diensverskaffers sal ingelig word oor wanneer die proses afgehandel is. Geen tydsraamwerk word egter gegee oor hoe lank die proses nog sal duur nie.

Die ministerie het verlede jaar die bestaande kontrak tot 30 Maart vanjaar verleng, waarna die hersiene kontrak in werking sou tree. Shafudah het toe die hoop uitgespreek dat die proses om die huidige kontrak te hersien teen einde aanstaande maand voltooi sou wees. Die hersiene kontrak moes reeds in Mei verlede jaar in werking getree het.

Die hersiening van die ou kontrak is genoodsaak weens misbruike en skuiwergate tot nadeel van die mediese fonds.

Intussen sê private diensverskaffers onder die vaandel van die Namibië Private Praktisynsforum (NPPF) Psemas het ten spyte van herhaalde versoeke nie bevestig dit het “enige voorneme” om met private verskaffers oor die nuwe kontrak te konsulteer nie. Die NPPF beskryf sommige van die gewysigde klousules in die kontrak as “swak opgestel en dubbelsinnig.

“Psemas weier om eers met die privaatsektor te konsulteer en tariewe is ook onbekend,” het mnr. Eben de Klerk namens NPPF gesê.

Diensverskaffers met meer as een praktyk word in die hersiene kontrak beperk tot een kontrak vir een praktyk, wat volgens die NPPF die beskikbaarheid van gesondheidsorg gaan beperk, veral vir Psemas-lede op die platteland.

Ook is daar volgens De Klerk nog geen aanduiding of die huidige tariewe wat tans vasgestel is op die Vereniging vir Namibiese Mediese Fondse (Namaf) se standaardtarief van 2014, enigsins verhoog gaan word nie.

“Van diensverskaffers word vereis om voort te gaan om Psemas-lede teen tariewe te behandel wat ses jaar gelede van toepassing was,” het De Klerk gesê.

Volgens hom het Psemas se laatbetalings die toegang tot praktyke verminder en kontrakvereistes verhoog.

“Tariewe ver onder markverwante professionele fooie blyk ’n poging van Psemas te wees om sy uitgawes op lede van die fonds te verminder. Dit terwyl geen verantwoordelikheid geneem word vir die verminderde toegang tot gesondheidsdienste nie,” sê De Klerk.

Inteendeel, het hy beklemtoon, diensverskaffers is in die verlede vir laasgenoemde blameer.

’n Opname onder 1 000 private diensverskaffers wys 17% van hul totale onbetaalde eise teen Psemas is vir eise wat voor November verlede jaar ingedien is. Volgens ’n opname deur die NPPF vorm eise wat gedurende November 2019 ingedien is, nog 17% van die totale onbetaalde eise en dié gedurende Desember verlede jaar 25%.

Volgens die NPPF verbreek Psemas sy kontraktuele verpligting om eise binne 60 dae uit te betaal meer as die helfte (59%) van die tyd.

“Dit plaas ’n beduidende finansiële las op diensverskaffers wat effektief die regering vir vier maande en langer moet dra. Dit is veral moeilik in ’n tyd wat verskaffers belasting moet betaal terwyl die regering hulle nie vir dienste kan betaal wat reeds maande gelede gelewer is nie,” het De Klerk gesê. - [email protected]

Soortgelyk

 

Covid-19: 5de nuwe geval binne 4 dae

3 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

2 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

2 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

2 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

2 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

2 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

2 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

2 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

2 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...