Nuwe ombudsman oor sy aanstelling

Ogone Tlhage - Die nuut aangestelde ombudsman, mnr. Basilius Dyakugha, het opvattings onder die publiek dat hy nie die sterkste kandidaat was toe openbare onderhoude op 27 Augustus gevoer is nie, verwerp.Dyakugha het in ‘n onderhoud met Republikein se susterskoerant, Namibian Sun, bygevoeg dat die paneel wat gekies is om 'n nuwe ombudsman aan te wys, die regte besluit geneem het om hom aan te stel.Die Regsdienskommissie het ‘n aanbeveling aan pres. Hage Geingob voorgelê, wat Dyakugha verlede week in sy nuwe rol aangestel het. Dyakugha was op die kortlys saam met die visevoorsitter van die raad van Fishcor, me. Ruth Herunga en sekretaris van die nasionale raad, mnr. Tousy Namiseb.Uit kommentare in die sosiale media waar die onderhoude regstreeks uitgesaai het, dui daarop Namiseb was die publiek se gunsteling kandidaat."Namibië is 'n vrye land en die Grondwet is duidelik oor vryheid van uitdrukking," het Dyakugha gesê. "Die paneel wat die taak gekry het om die geskikte kandidaat te kies, is 'n hoogs geloofwaardige paneel. Myns insiens het hulle die regte besluit geneem," het Dyakugha gesê.Namibiërs sal hom leer ken sodra hy in Oktober in sy amp begin, het Dyakugha gesê.“Baie Namibiërs ken my nie; ek was 'n staatsamptenaar wat stil my gang gegaan het, maar hulle sal my leer ken sodra ek in die pos van die ombudsman begin werk,” was sy woorde.Dyakugha het sy onmiddellike prioriteite uiteengesit.“Ek moet eers deur die uittredende ombudsman, adv. John Walters, ingelig word oor lopende projekte. Die pos as hoof van die administrasie is vakant. Dit sal my onmiddellike prioriteit wees om die pos te vul,” het Dyakugha gesê.Intussen het Walters die onderhoudsproses verwelkom en gesê daar moet oorweeg word om openbare onderhoude vir regters en uitvoerende direkteurs in die staatsdiens te hou."Dit was 'n baie deursigtige proses en volgens my moet openbare onderhoude gehou word, selfs vir regters en uitvoerende direkteurs," het hy gesê.Die politieke kommentator mnr. Ndumbah Kamanyah het gesê Dyakugha sal moet werk om die publiek meer bewus te maak van die rol van die ombudsman.“Die relevansie van die instelling vir ons demokrasie het die afgelope jaar afgeneem. Daarom dink ek dit is belangrik dat die nuwe leierskap weer die relevansie en die belangrikheid van die amp herbevestig. Ek dink dat die funksies daarvan verkeerd verstaan ??word en daarom is dit nodig om bewustheid te skep ten opsigte van dié kantoor se missie, visie en prosesse,” het Kamanyah gesê. -republikein@republikein.com.na

Nuwe ombudsman oor sy aanstelling

Kommentaar

Republikein 2025-11-05

Meld asseblief aan om kommentaar te lewer

Nuwe ombudsman oor sy aanstelling

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.