Nuwe modelle van Hyundai almal by die Motorskou
Waarborge en diensplanne is van die beste in die mark
Deon Eysele – Soos elke jaar gaan Hyundai weer saam met die res van Associated Motor Holdings (AMH) sterk by die Bank Windhoek-Republikein-Motorskou verteenwoordig word.
Die bestuurder van Hyundai Windhoek, mnr. Tertius Annandale, sê hy is opgewonde oor die nuweling in hul stal, naamlik die i10 Grand wat binnekort beskikbaar sal wees. Die voertuig wat tussen die huidige i10 en i20 inpas, se amptelike bekendstelling moet in dié tydperk plaasvind en hy is besig om alles moontlik te doen om die voertuig betyds in Windhoek te kry om dit deel van hul tentoonstelling by die Motorskou te maak.
Volgens hom bestaan 'n behoefte in Hyundai se wye modelreeks aan 'n voertuig wat net groter as die i10 is (20 cm langer), 'n gaping wat nou deur die i10 Grand gevul gaan word. Die voertuig is splinternuut en as die gewildheid van beskikbare modelle van Hyundai as maatstaf dien, gaan die Grand ook groot aftrek onder skougangers kry. “Daar is kopers wat meen die i10 is vir hulle net te klein en dan weer is die i20 weer net te duur. Die Grand gaan dus mooi in die gaping tussen die twee pas,” het Annandale bevestig.
ix35
Nog 'n baie gewilde model in die Hyundai-stal wat by die Motorskou sal wees, is die ix35 wat onlangs opgekikker is en nou met 'n dieselenjin toegerus is. Volgens Annandale lewer die sterk 2.0-enjin 'n maksimum kraglewering van 130 kW en het dit 'n allemintige wringkragkurwe van 400 Nm. Dit is een van Hyundai se beste verkopers en is in ’n 4x4- en 2x4-model beskikbaar.
Santa Fe
Hyundai se groter sportnutsvoertuig, die Santa Fe, is ook onlangs opgeknap en bied aan kopers 'n luukse voertuig met goeie werkverrigting.
Dit is Hyundai se topmodel in die segment vir sportnutsvoertuie en daar is drie verskillende keuses met betrekking tot toerustingvlak, aandryfstelsels en pryse om aan kliëte se behoeftes te voldoen.
Waarborge en diensplanne
Hyundai was nog altyd bekend vir sy goeie waarborge en diensplanne. Op meeste van sy voertuie, bied Hyundai 'n vyf jaar, 150 000 kilometer waarborg terwyl meeste modelle ook 'n vyf jaar/90 000 km. diensplan het. Dit verskil egter ten opsigte van die vragmotor en die kleiner i10 en 120 modelle. Dié inligting kan skougangers ook by Hyundai se uitstalruimte by die Motorskou kry.
Foto's:
i10: Die i10 Grand is 'n splinternuwe voertuig en sal hopelik betyds in Windhoek wees vir die Bank Windhoek-Republikein-Motorskou.
i10 interior: Die nuweling se binneruim is baie modern en kopers sal van die kleurkeuses hou.
Tertius: Die bestuurder van Hyundai Windhoek, mnr. Tertius Annandale.
Die bestuurder van Hyundai Windhoek, mnr. Tertius Annandale, sê hy is opgewonde oor die nuweling in hul stal, naamlik die i10 Grand wat binnekort beskikbaar sal wees. Die voertuig wat tussen die huidige i10 en i20 inpas, se amptelike bekendstelling moet in dié tydperk plaasvind en hy is besig om alles moontlik te doen om die voertuig betyds in Windhoek te kry om dit deel van hul tentoonstelling by die Motorskou te maak.
Volgens hom bestaan 'n behoefte in Hyundai se wye modelreeks aan 'n voertuig wat net groter as die i10 is (20 cm langer), 'n gaping wat nou deur die i10 Grand gevul gaan word. Die voertuig is splinternuut en as die gewildheid van beskikbare modelle van Hyundai as maatstaf dien, gaan die Grand ook groot aftrek onder skougangers kry. “Daar is kopers wat meen die i10 is vir hulle net te klein en dan weer is die i20 weer net te duur. Die Grand gaan dus mooi in die gaping tussen die twee pas,” het Annandale bevestig.
ix35
Nog 'n baie gewilde model in die Hyundai-stal wat by die Motorskou sal wees, is die ix35 wat onlangs opgekikker is en nou met 'n dieselenjin toegerus is. Volgens Annandale lewer die sterk 2.0-enjin 'n maksimum kraglewering van 130 kW en het dit 'n allemintige wringkragkurwe van 400 Nm. Dit is een van Hyundai se beste verkopers en is in ’n 4x4- en 2x4-model beskikbaar.
Santa Fe
Hyundai se groter sportnutsvoertuig, die Santa Fe, is ook onlangs opgeknap en bied aan kopers 'n luukse voertuig met goeie werkverrigting.
Dit is Hyundai se topmodel in die segment vir sportnutsvoertuie en daar is drie verskillende keuses met betrekking tot toerustingvlak, aandryfstelsels en pryse om aan kliëte se behoeftes te voldoen.
Waarborge en diensplanne
Hyundai was nog altyd bekend vir sy goeie waarborge en diensplanne. Op meeste van sy voertuie, bied Hyundai 'n vyf jaar, 150 000 kilometer waarborg terwyl meeste modelle ook 'n vyf jaar/90 000 km. diensplan het. Dit verskil egter ten opsigte van die vragmotor en die kleiner i10 en 120 modelle. Dié inligting kan skougangers ook by Hyundai se uitstalruimte by die Motorskou kry.
Foto's:
i10: Die i10 Grand is 'n splinternuwe voertuig en sal hopelik betyds in Windhoek wees vir die Bank Windhoek-Republikein-Motorskou.
i10 interior: Die nuweling se binneruim is baie modern en kopers sal van die kleurkeuses hou.
Tertius: Die bestuurder van Hyundai Windhoek, mnr. Tertius Annandale.
Kommentaar
Republikein
Geen kommentaar is op hierdie artikel gelaat nie