Nuwe mediese beroepe wink

Omwenteling op pad

04 October 2019 | Onderwys
Elvira Wood – Daar is ’n menslike brein agter elke robot.

Die gesondheidsorgsektor van die toekoms het dus kenners nodig wat oor die nodige vaardighede beskik om ’n sukses te maak van tegnologiese verwikkelinge.

Dit is die mening van Maletsatsi Nantu, ’n kenner van robotiese toerusting wat in die gesondheidsorgsektor gebruik word.

“Robotte help ons om menslike foute te verminder waar dit by mediese prosedures kom. Vir die robotte om te funksioneer het ons egter ingenieurs, tegnici en programmeerders nodig,” sê sy.

Nantu het Woensdag van haar ervaring as tegnikus in dié veld in ’n onderhoud met Netwerk24 vertel.

Sy was een van die sprekers op die mediese fonds vir staatsamptenare (Gems) se jaarlikse seminaar wat in Durban gehou is.

Nantu werk spesifiek met robotte wat deur ortopediese chirurge gebruik word wanneer knie- of heupvervangings gedoen word. “Daar is altesaam net sowat sewe robotte in die land wat vir chirurgiese prosedures gebruik word,” sê sy. Twee van dié robotte is waarmee sy werk.

“Mense is baie bekommerd oor hoe mediese personeel in die toekoms dalk deur masjiene en veral robotte vervang kan word. Hulle vergeet egter dat mense hierdie robotte moet ontwerp, bou, bedryf en instandhou. Dit is hiér waar daar groot geleenthede is wat betref beroepe van die toekoms,” sê sy.

Gloria Nkadimeng, inligtingshoof van Gems, het in haar voorlegging vroeër die oggend ook gesê daar gaan in die toekoms ’n groot verandering moet kom in beroepe wat mense in die gesondheidsorgsektor gaan vul.

“Mense gaan heropgelei moet word en nuwe vaardighede moet aanleer soos wat die sektor verander,” sê sy.

Nantu sê robotika is ’n beroep wat deur mans sowel as vroue gevolg kan word.

“Ek is die enigste vrou in Afrika wat opgelei is om met ’n spesifieke chirurgiese robot te werk.

“Dit wys net hoe oningelig jong mense, en veral meisies, is oor die moontlikhede van ’n beroep in dié rigting,” sê sy. – Netwerk24

Soortgelyk

 

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

9 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...