Nuwe Meatco-, swakara-raadslede verkies
Ná onsekerheid geheers het oor watter ministerie nominasies vir raadslede van staatsondernemings moet ontvang en aanwys, is ’n oplossing vir die volgende ses maande gevind.
Elvira Hattingh - Die minister van water, landbou en bosbou, mnr. John Mutorwa, het Woensdag ses tydelike Meatco-raadslede asook ses permanente swakara-raadslede aangestel.
Die aankondiging volg ná onsekerheid vroeër vanjaar geheers het oor of die minister van staatsondernemings, mnr. Leon Jooste, of Mutorwa die nominasies vir die Meatco raad moet ontvang en aanwys.
Die voormalige raad se termyn het reeds op 3 Oktober verstryk.
Die onsekerheid het ontstaan nadat die kabinet in Julie die nuwe hibriede regeringsmodel vir staatsondernemings aanvaar het, wat beteken dat die ministerie van staatsondernemings voortaan volle aandeelhouerregte oor dié ondernemings sal uitoefen.
Volgens ’n persverklaring is daar egter ná deeglike konsultasie met die minister van staatsondernemings en in streng ooreenstemming met die relevante wette besluit om ’n tydelike Meatco-raad aan te stel totdat nuwe lede oor ses maande aangewys kan word.
Die raad, onder leiding van me. Martha Namundjebo-Tilahun as voorsitter, word op Woensdag 4 Januarie van krag. Mnr. Ronald Kubas sal as ondervoorsitter dien, met me. Sophia Kasheeta, mnre. Ismael Ngangane, Fanie Oosthuizen en Mushokobanji Mwilima wat ook as raadslede sal dien.
Die swakara-raad, onder die voorsitterskap van me. Julene Meyer, sal vanaf 1 Januarie 2017 vir die volgende vier jaar van krag wees. Mnr. Johannes Motinga is die ondervoorsitter, met mnre. Pieter Hugo, Johannes Kohlman, Chris Baisako en Arnold Klein wat ook op die raad sal dien.
Die aankondiging volg ná onsekerheid vroeër vanjaar geheers het oor of die minister van staatsondernemings, mnr. Leon Jooste, of Mutorwa die nominasies vir die Meatco raad moet ontvang en aanwys.
Die voormalige raad se termyn het reeds op 3 Oktober verstryk.
Die onsekerheid het ontstaan nadat die kabinet in Julie die nuwe hibriede regeringsmodel vir staatsondernemings aanvaar het, wat beteken dat die ministerie van staatsondernemings voortaan volle aandeelhouerregte oor dié ondernemings sal uitoefen.
Volgens ’n persverklaring is daar egter ná deeglike konsultasie met die minister van staatsondernemings en in streng ooreenstemming met die relevante wette besluit om ’n tydelike Meatco-raad aan te stel totdat nuwe lede oor ses maande aangewys kan word.
Die raad, onder leiding van me. Martha Namundjebo-Tilahun as voorsitter, word op Woensdag 4 Januarie van krag. Mnr. Ronald Kubas sal as ondervoorsitter dien, met me. Sophia Kasheeta, mnre. Ismael Ngangane, Fanie Oosthuizen en Mushokobanji Mwilima wat ook as raadslede sal dien.
Die swakara-raad, onder die voorsitterskap van me. Julene Meyer, sal vanaf 1 Januarie 2017 vir die volgende vier jaar van krag wees. Mnr. Johannes Motinga is die ondervoorsitter, met mnre. Pieter Hugo, Johannes Kohlman, Chris Baisako en Arnold Klein wat ook op die raad sal dien.
Kommentaar
Republikein
Geen kommentaar is op hierdie artikel gelaat nie