Nuwe laag verf vir RHS
Die Hoërskool Rehoboth (RHS) spog met ’n nuwe, kleurvolle baadjie te danke aan N$50 000 se verf wat aan die skool geskenk is.
Nog ’n bonus was dat die finaliste in die Mej. Namibië-kompetisie met verfkwaste by die skool opgedaag het en die gebou vol ywer begin verf het.
Die borgskap kom na aanleiding van een van RHS se onderwysers, me. Julien Swartz, wat saam met haar kollegas koppe bymekaar gesit het oor hoe hulle te werk moet gaan om die skool te laat verf. Swartz het vir mnr. Godfrey Titus van Neo Paints met hul versoek genader en dit was ook nie lank nie of Swartz het ’n e-pos ontvang waarin bevestig word dat RHS die jawoord vir ’n borgskap gekry het.
Boonop ontvang RHS ook afslag van 25% op enige ander verf wat by die onderneming aangeskaf word.
RHS se skoolhoof, mnr. George Dax en sy personeel asook die leerlinge het mnre. Mike du Toit, Fritz Räntsch en Godfrey Titus vir hul bydrae bedank, asook die organiseerder van die Mej. Namibië-kompetisie, me. Conny Maritz, en die finaliste wat geverf het. - Davin Dentlinger
Nog ’n bonus was dat die finaliste in die Mej. Namibië-kompetisie met verfkwaste by die skool opgedaag het en die gebou vol ywer begin verf het.
Die borgskap kom na aanleiding van een van RHS se onderwysers, me. Julien Swartz, wat saam met haar kollegas koppe bymekaar gesit het oor hoe hulle te werk moet gaan om die skool te laat verf. Swartz het vir mnr. Godfrey Titus van Neo Paints met hul versoek genader en dit was ook nie lank nie of Swartz het ’n e-pos ontvang waarin bevestig word dat RHS die jawoord vir ’n borgskap gekry het.
Boonop ontvang RHS ook afslag van 25% op enige ander verf wat by die onderneming aangeskaf word.
RHS se skoolhoof, mnr. George Dax en sy personeel asook die leerlinge het mnre. Mike du Toit, Fritz Räntsch en Godfrey Titus vir hul bydrae bedank, asook die organiseerder van die Mej. Namibië-kompetisie, me. Conny Maritz, en die finaliste wat geverf het. - Davin Dentlinger
Kommentaar
Republikein
Geen kommentaar is op hierdie artikel gelaat nie