Nuwe kykgenot én ou gunstelinge dié Julie op VIA

12 July 2019 | Kuns en vermaak
Die winter het behoorlik aangebreek en om die rusbankseisoen nóg lekkerder te maak, bring VIA (DStv kanaal

147) twee splinternuwe werklikheidsprogramme TV toe. Vyf gunstelingprogramme keer ook terug

na dié Afrikaanse leefstylkanaal vir nuwe seisoene.

Pietie Beyers is terug van 15 Julie af met die vierde seisoen van Blitsbrein om ’n nuwe slimkop te kroon in

dié algemene kennis-kompetisie.

Nuwe episodes van dié vasvraprogram word nou op Maandae om 19:30 uitgesaai met heruitsendings op Sondae om 19:00.

’n Nuwe seisoen van VIA se trefferreeks Huisgenoot: Ware lewensdramas begin ook die 15de. In dié

seisoen word daar gekyk na stories wat die land se verbeelding aangegryp het soos Bob Hewitt, die Hoërskool

Driehoek-tragedie, Hannah Cornelius en die Waterkloof-vier.

Dis Maandae om 20:00 in samewerking met Finbond Platinum.

In die splinternuwe reeks Boshospitaal loer ons in by die Hoedspruit- Bedreigde Spesiesentrum in waar ’n

span van vier dierebewaarders en een veearts van gestroopte renosters tot wees nagapies probeer red.

Van 15 Julie af, Maandae om 21:00 en Saterdae om 18:00.

Die gewilde trouprogram Kom ons trou, nou! is terug op die TV van 18 Julie af. Dié keer help die TV-persoonlikheid

Pulane Sekepe vroue wat moeg gewag is vir die jawoord om in twee dae verrassingstroues agter hul kêrels se rûe te reël. Donderdae om 20:00.

Ná ’n eerste trefferseisoen is die gewilde Stellenbosse kabaretster en taxibestuurder Leatitia Solomons

ook van die 18de af terug vir ’n nuwe seisoen van Leatitia se taxi. Donderdae om 21:00 en Saterdae om

19:00. In samewerking met Afrikaans.com.

Met die rugbywêreldbeker om die draai, kry VIA ook nou rugbykoors. In die werklikheidsprogram Terug

op die veld help die afrigters Paul Treu en Paul Delport van 23 Julie af ’n groep eksrugbymanne om weer

wedstrydgereed te word. Henré Pretorius is die aanbieder. Dinsdae om 17:30 met heruitsendings Sondae om 15:30.

Frik Oosthuizen en Piet Marais kom ook terug met ’n nuwe seisoen van Laat die potte prut – dié keer in

’n nuwe tydgleuf. Van 30 Julie af word nuwe episodes van die gewilde kompetisieprogram op Dinsdae om

20:30 uitgesaai met heruitsendings op Saterdae om 20:30.

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

6 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

8 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...